Nos Rvdolfus dei gracia dux Austrie et Stirie, dominus Carniole, Marchie et Portusnaonis, | ad universorum noticiam volumus pervenire, quod cum religiosi viri abbas et conventus monasterii in Raytenhasla^a ordinis Cysterciensis super quadam domo sua in Chrems dicta in dem Chyel^b et Leitchavfscheler^c occasione stevre, quam cives nostri Chremenses ab eisdem inmoderacius exigebant, se gravatos irrationabiliter conquerantur, volentes sibi pressuras huiusmodi temperare, ne ulterius eos fatigari contingat preter debitum racionis, ipsis presentibus indulgemus de gracia speciali, quod iidem fratres de domo predicta, quamdiu in potestate ipsorum fuerit et in eo, quo nunc est, statu permanserit inconbusta, singulis annis unam tantum libram denariorum Wiennensium memoratis civibus stevre nomine persolvere teneantur, ad ulteriorem exactionem stevre nullatenus conpellendi. In quorum testimonium sigillum nostrum presentibus est appensum. Dat. Wienn. anno domini millesimo trecentesimo quarto, V idus ianuar.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 513, S. 429