Albertus dei gracia Chiemensis^a ecclesie episcopus necnon iudex et conservator privilegiorum abbatum, fratrum, abbatissarum, sororum et conventuum eorundem ordinis | Cisterciensis a dilectissimo in Christo patre et domino nostro domino demente papa quinto deputatus universis abbatibus, archidiaconis, prepositis, prioribus, decanis, plebanis eorumque vicariis per Saltzburgensem provinciam constitutis salutem et sincernam in domino karitatem. Noverit vestra universitas, quod honorabilis vir dominus Ilsungus abbas monasterii in Raitenhaslach Cysterciensis ordinis, dyocesis Saltzburgensis, sanctissimj in Christo patris et domini nostri domini Innocencii pape tercii litteras non cancellatas, non abolitas, non viciatas, sed in omni sui parte salvas et integras ac ipsius vera bulla signatas nobis exhibuit et ostendit continencie infrascripte: folgt UB 69. Nos igitur predicti domini Ilsungi abbatis et conventus monasterii in Raitenhaslach, presertim cum abbatum, fratrum, abbatissarum, sororum et conventuum eorundem ordinis Cisterciensis simus iudex et conservator, ut premisimus, a sede apostolica deputatus, studiosis et devotis precibus inclinati predictas litteras sub nostri sigilli munimine registrari iussimus et transscribi, vobis universis et singulis nichilominus auctoritate nostra iudiciaria et conservatoria, immo verius apostolica, sub virtute sancte obediencie et sub pena suspensionis ab officio districcius iniungentes, quatenus contra invasores, raptores, molestatores rerum et bonorum predicti abbatis et conventus in Raitenhaslach, quando et quociens per ipsum predictum abbatem aut fratres seu procuratores ipsius et nuncios speciales cum debita instancia fueritis requisiti, per sentencias et processus et integraliter secundum formam et tenorem predicti privilegii ad elimandos perversorum conatus et maliciam adtencius et efficacius procedatis, alioquin, si in premissis neglientes fueritis et remissi, contra vos seu vestrum quemlibet contemptorem nostri mandati et privilegiorum sedis apostolice auctoritate predicta procedemus, quantum de iure fuerit procedendum. Actum et datum Saltzburge feria quinta ante epiphaniam domini anno domini millesimo trecentesimo quartodecimo.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 587, S. 499-500