xxx [3x: untereinander] Wir xxx [3x: untereinander]^a Heinrich, Ott vnd Heinrich von gotes genaden pfallntz grafen ze Reyn, hertzogen in Baieren, vergehen vnd tv^on chvnt allen den, die disen brief sehent oder ho^erent lesen, daz wir ze engagen alles vnsers rates^b gesehen haben^c | chvntleich^d vnd gelesen vnsrer hertzenlieben vater vnd vetern chv^enig Otten, hertzog Stephans vnd hertzog Lvdweigs, den got genade, brief, an dem si habent erchant vnd bestætigt dem gotshavs ze Raitenhaslach alle die genade vnd die vreitv^em vnd dev recht, dev der stv^ol von Rôm vnd die chaiser vnd die chv^enig vnd vnser vorvodern dem orden von Cytel vnd dem vorgenanten gotshavs ze Raitenhaslach habent gegeben vnd habent verboten an dem selben brief allen iren amptlævten vnd iren richtern vnd Schergen, daz si daz vorgenant gotshavs vnd alle sein lævt vnd gv^ot nicht sv^eln noch getv^erren beswærn noch laidigen mit herbergen, mit fv^otern noch mit dehainem dwanchsal noch avch die richter sv^eln nicht twingen des êgenanten gotshavss ze Raitenhaslach vnd des conventes da selben lævt avf dehain taydinch vmb dehain sache noch vmb dehain recht, wan si selbe daz vrlavb habent vnd den gewalt, daz si alle die sache ho^eren, die ir lævt an gênt, vnd so si die geho^erent, daz si die selben sache mit vollem gewalt mv^egen vnd sv^eln richten, an als vil ob dehain des gotshavss man wurd begriffen mit sogetanen Sachen, daz man mit dem tode v^eber sein leben sold richten, wan gaistleich o^erden sogetan gerichte nicht tv^erren getv^on, so sol der richter den selben man nemen alein, als er mit der gv^ertel ist begriffen, vnd sol alles daz gvt, daz der man hat, varent vnd vnvarent, dem gotshavs beleiben. Vnd wan wir vnsrer hertzenlieben vater vnd vetern sæligen brief gesehen haben vnd die andacht bechant, die si gen got, gen vnsrer fraw^en vnd gen dem gotshavs ze Raitenhaslach habent gehabt, die wellen wir nicht minnern, svnder wir wellen si mit gantzem willen vnd besvndern genaden meren vnd volfv^eren. Davon gebieten wir allen vnsern amptlævten, vitztv^emen, richtern vnd schergen, swie si genant sint, die jetzv^o vnser amptlæut sint oder fu^erbaz werdent, daz si alle des gotshavss lævt von Raitenhaslach, swa ez si hat in allem vnserm lande, nicht getv^erren noch sv^eln beswæren noch laidigen mit herbergen noch mit fv^etern noch mit dehainer voderung, twanchsal noch sv^ochvng, chlain noch gros. Swelher richter oder scherig daz v^ebergêt, so sol der richter vns geben ze pv^ozze zehen pfvnt pfenning, der scherig fv^emfev, vnd sol dem gotshavs seinen schaden abtv^on. Wir gebieten avch allen vnsern richtern, schergen vnd amptlævten, swie si sint genant in allem vnserm lande, daz si dehainen des gotshavss man nicht bedwingen noch gebieten ze chomen avf dehain ehaft taydinch noch avf dehain besvnder taydinch, wan^e von altem recht vnd von vnsern besvndern genaden vnd gab si den gewalt habent vnd sv^eln haben, daz si alle die sache sv^eln ho^eren, die ir lævt angênt, swa si die habent in vnsern gerichten ze Piburch, bei der Rot, ze Weilhart, ze O^eting, ze Mermos, ze Walde, ze Travnstain vnd in dem Grazzaw^eertal, vnd swa si anderswa in allem vnserm land lævt oder gv^ot habent, vnd so si die verho^erent, so sv^eln si mit vollem gewalt richten. Swelich richter oder scherig der sache dehainev v^ebervert oder zebrichet, als dikche er daz tv^ot, so sol vns der richter zehen pfvnt geben vnd der scherig fv^emfev vnd dem gotshavs seinen schaden abtv^en. Geschæch aber daz, daz des gotshavss man sogetan mizzetat tæt, darvmb man richten sold v^eber sein leben mit dem tode, so sol der richter den selben man nemen, als er mit gv/ertel bevangen ist, vnd alles daz gv^ot, daz er hat, varent vnd vnvarent, daz sol dem gotshavs beleiben. Næm aber der richter gv^ot fv/er seinen tot, des sol der richter des gotshavss geschol sein, sam er ez genomen hiet avz einem bru^oderhof. V^eber die sache alle verbieten wir allen den vorsprechen vnd taydingern, die in vnserm lande sint, bei dem ayd vnd fv/emf pfvnden, daz si immer icht getaidingen oder ertailen wider allen den vreitvm vnd wider dev recht, dev wir dem gotshavs ze Raitenhaslach erchant haben, als oben ist verschriben, vnd im gevestent haben mit vnsern briefen. Avch binden wir vns darzv^o vnd geloben bei vnsern genaden, daz wir alle vnser richter vnd schergen darzv^o betwingen mit den wandeln, dev vor benant sint, daz si behalten dem gotshavs von Raitenhaslach allev dev recht vnd vreitv/em vnd die genad, die wir im haben bechant, als oben ist verschriben, vnd dev avch wir im vnd vnserm getriwen abt Illsvng vnd seiner sammvng haben gegeben. Ist avch, daz man des gotshavss man einen ansprichet vmb aigen vnd vmb lehen vnd daz daz selbe aigen vnd lehen des mannes ist, den man darvmb ansprichet, vnd nicht des gotshavss, der sol daz recht vor vnserm richter tv^on vnd nicht vor dem abt, an die lævt, die des gotshavss inwertz aigen habent, daz sol der abt, der danne ist, selbe richten, wan die selben lævt beidenthalben des gotshavss sint. Ez ensol avch dehain vnser richter nicht richten von des vorgenanten gotshavss aigen. Vnd daz im daz alles stæt, gantz vnd vnbechrenchet beleihe ewichleich, geben wir dem obengenanten gotshavs ze Raitenhaslach zv^o einem waren vrchv/end disev hantvest versigelt mit vnsern insigeln. Daz ist geschehen ze Lantshv^ot, da von Christes gepvrt waren tavsent jar drevhvndert jar darnach in dem achtzehenten jar, an sand Thomas tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 626, S. 534-536