[pagina 1]||
01 WIR, Schultheiß, Burgermeister vnndt Rath zu Wachenheim||
02 ann der Hardt, Bekhennen vnndt thun kunth gegen Je-||
03 dermeniglichen, dass vor vnnß inn versameltem rath ||
04 erschienen seindt, der Ersam Hannß Herrman, Burger||
05 alhie, Agatha, seine ehliche hausfraw, die verJahen vnndt||
06 bekanthen fur sich, alle Jre Erben vnndt Erbnehmen, ||
07 daß der Ehrwürdig, Auch Ernhafft, Furgeacht Herr,||
08 Adam Practor, Pfarrherr alhie, vnndt Johann Zahn,||
09 Limpurgischer Schaffner zu Dürckheim, vff Jr embsigs||
10 ansuchen vnndt bittenn Jnn Jren anligenden nötten,||
11 Anndern Jren schaden damit zuuerkommen, Jn namen||
12 vnndt vonn wegen der kirchen alhie Jhnen guetlich||
13 angeliehen vnndt vorgestreckt hetten, Nemblichenn ||
14 Viertzig gulden guter, genger vndt genehmer Müntzen,||
15 Jeden gulden zu zwantzig sechs Alb[us] gezelt vnndt||
16 gerechnet. Welche Summa sie, obgenante Ehleüth, die||
17 Schuldtnerr, also bahr vom Ehrngedachten Herrnn||
18 entpfanngen, vnndt furthers in Jren kunthlichen nutz||
19 vnndt frommen gewanth vnndt angelegt habenn.||
20 Daruon versprechen sie Jehrlichs vnndt ein Jedes Jahr||
21 besonnder vff Martini zween gulden gelts ermelter||
22 Wehrung der kirchen oder rechtmessigem Jnnhaber||
23 diß Brieffes zu gültten zugeben vnndt zuerstatten. ||
24 Auch, da es Jhnen, Schuldtnern, oder Jren Erben entlegen,||
25 die gültten Lenger zureichen, wöllen sie vff Georgj||
26 den Leiherrn, Jren nachkommen oder Brieffs Jnhalttern||
27 daß Haupttgeltt wiederumb Jnn gebüriger Müntz||
||
[pagina 2]||
28 vnndt wehrung, wie sie die entpfangen, ablössen, zu Jren||
29 sicheren handen Anntworten vnndt bezahlen, sich Jre||
30 vnnderpfender vnndt diesen Brieff damit krafftloß,||
31 ledig, todt vnndt abschaffenn. Vff daß Aber obgedachte||
32 Leyhere wegen der kirchen der zweier gulden Jer-||
33 licher gultten, Auch bezahlung der Haupttsumma desto||
34 sicherer entpfanngen mögen, So haben sie, Ehleüth, die Schuldt-||
35 nere, fur sich, Jre Erbenn vnndt nachkommen, zu rechtenn,||
36 wahren vnndt vnuerschiedenen vnnderpfändern, Jngesetzt||
37 vnndt verlegt Annderthalb firttel weingart vor der||
38 hüttenn, oben geforcht Jacob Hertel, vnnden Hartman||
39 Radt, zinnst Achthalben Pfennig gehn Limpurg, Jtem||
40 Annderthalb firttel weingart am Kemmersperg, geforcht ||
41 oben vnndt vnnden Hannß Schäich, zinst zwei firttel||
42 wein Junckher Schliderern zu Deidesheim, Jtem Ein||
43 halben morgen weingart am Kemmersperg, geforcht||
44 oben vnndt vnnden Hannß Schäich, zinnst ein halb pfundt||
45 wachs Jnn die kirch alhie; Also vnndt dergestaltt,||
46 wo es sach, das sie, Ehleüth, oder Jhre Erben, an reichung der||
47 zweier gulden gültten oder ablösung der Hauptsumma||
48 vff zeit vnndt zill wie obstehtt, seümig, die oder dieselbe||
49 nit reichen, zahlen oder ablösen wurden, daß doch nit sein||
50 soll, Alßdann haben vielgedachte Leyhere, Jre Nach-||
51 kommen oder Brieffs Jnnhelttere gut recht, fug vnndt||
52 macht vff genante vnnderpfender zuclagen, dieselbigen||
||
[pagina 3]||
53 vfholen vnndt gewinnen , nach der Statt Wachenheim||
54 ordtnung, brauch vnndt gewonheit ohne hinndernus||
55 vnndt Jnntrag Jhro, der Schuldtner, Jrer Erben oder||
56 nachkommen; darwider sie sampt vnndt sonnders nit||
57 schützen oder schirmen soll einigerlei Geistlich oder Welt-||
58 lich recht, Freyheitt, gebott oder verbott, Auch alles, daß-||
59 Jenig, so vonn Menschen Sinn hierwider Jemals erdacht||
60 wordenn oder in künfftigan Jmmer erdacht werden||
61 köndte oder möchte. Dann sie, Ehleüth, vor vnnß deren||
62 allen sich wissentlich vnndt freiwilliglich, keines niemer-||
63 mehr zugebrauchen, gentzlich verzigen vnndt begeben haben,||
64 Alles getreülich vnndt sonnder gefehrde. Vnndt Wir,||
65 Schultheiß, Burgermeister vnndt Rhat obgemelt, haben||
66 diese güeter für vnnß genomen, dieselbigen geschetzt||
67 vnndt darüber erkanth, daß die viertzig gulden Hauptt-||
68 gelts dieszmals sicher vnndt wolgenug verlegt seien.||
69 Deß alles zu wahrem vrkhundt vnndt aller hierinnen||
70 verleibter Puncten vnndt Articul vesten glauben||
71 vnndt sichernus, So haben wir vnnserer Statt||
72 Gemein Jnnsigel vff diessen Brieff thun vftrucken,||
73 doch vnnß, vnnsern Erben vnndt Gemeiner Statt||
74 ohn schaden vnndt ohnuergriflich; geben vnndt geschehen||
75 vff Georgj, Alß man zelt nach Christj geburt||
76 Funffzehenhundtert Neuntzig vnndt zwej Jahr.

Source Fulltext: Wiltrud Hutchison, Wachenheim, ehrenamtliche Tätigkeit. Geprüft, überarbeitet und kommentiert von Andreas Kuhn, M. A., Neustadt/Weinstraße