Abschrift||
01 Wir, Schultheis, Burgermeinster vnd Ratt zu lamsheim, Bekennen vnd thun kunt allermenglich mit diesem brieff, Das vor vns an ge-||
02 richte vnd Jn gerichts wise komen vnd Jngegenwuertigkeit personlichen gestanden sint Jeckel Hernuetzel, vnser bürger, vnd||
03 Elß, sine eliche hußfrauwe; veriahen vnd bekanten offentlichen vor sich vnd alle ire erben, Das sie Recht vnd Redelichen mit wole be-||
04 dachtem mude Jn eyns Rechten kauffs wise, Wie der Jn dem Rechten aller baste Crafft vnd macht soll oder mag han, zu kauff geben||
05 hettent vnd verkaufftent auch Jn vnd mit Crafft dißs brieffs Eynen Jerlichen zinse, Nemlichen Eylff schillinge vier pfenny[n]ge*, Den||
06 gutten luden des sichhuß, vnden an dornckheim gelegen, vmb viertzehen guetter Rinscher gulden, Der sich die egenante elichelude||
07 verkauffer veriahen vnd bekanten, wole gewert vnd bezalt werent von dem yetzgenanten sichhuß vor datu[m] dißs brieffs, Vnd die forter Jn iren vnd||
08 irer erben kuntlichen Notze vnd fro[m]men gewant vnd gekert hettent. Solichen obgemelten zinßs geRettent vnd versprachent die vorg[e]n[an]ten elichelude||
09 vor sich vnd alle ire erben, Dem obgenant[en] sichhuß oder sinen pflegern alle Jare Jerlichen zu Sant Martins, des heilgen bischoffs, tag uß zu-||
10 richten vnd zu bezaln vnd den antworten vnd wern gein dornckheim Jn eyns pflegers hüß, der dan zu zytten des yetzgemelten sichhüß ein||
11 pfleger ist, ane allen des hüß vnd pflegers kosten vnd schaden. Vnd das das obgenant sichhüß des obgeschriben zinßs eyns yglichen||
12 Jars desto sicherer gesin moge, So haben die dickgenanten elichelude vorsich vnd ire erben Jme zu eyme Rechten vnu[er]scheydenlichen vnder-||
13 pfande Jngesatzt vnd geleyt, Setzen vnd legen Jn vnd mit dißs brieffs diese hienach benanten gutter Jn lamßh[ei]mer marcken gelegen, Jtem||
14 ire hüß vnd höff, das Peter Hernutzels ist gewest, mit sinem begriff vnd zu gehorden, gelegen an der lochgassen, geforcht oben zu die lochgasse,||
15 Nidden Henchen von montzenheim, zinßet vor hin drij schilling pfenny[n]ge, funff heller vnd eynen Cappen Wendel Meysen vnd sinen mit erben;||
16 Jtem eyn garten, stosset vff die lauwer gasse, geforcht oben zu Engel Hernutzeln, Nidden zu des alten Josten Montzels seligen witwe, zinßet vor||
17 hin zwentzig pfenny[n]ge vnd eynen halben Cappen den her[re]n zu vnser lieben frauwen zu wormß; Jtem eyn zweyteil wingarts, zücht uber den hase-||
18 lacher wegk, geforcht oben zu Claus Mack, Nidden zu Rößs Hensel, vnd ist eygen. Also vnd mit solichen furwarten vnd vnderscheyt, Weres,||
19 das Jeckel obgenant oder sine erben yemer eyns Jars sümig würdent vnd den obgeschriben zinse zu dem obgemelten ziele nit vßrechte vnd||
20 bezelte Jn maßen wie vorgeschriben steet, So sollent diese obgeschriben vnderpfande von samt an, alle samenthafft vnd zu mole, gentzlich vnd ey-||
21 gentlich verfallen sin an das obgenant Sichhüß ane alle gerichts clagen, Schultheißen vnd Schepffeln** vrteil, mit allem buwe vnd besseru[n]ge;||
22 vnd mage dan eyn pfleger des yetzgenant[en] hueßs, der dan zu zytten ist, Mit den güttern forter thun vnd lassen als mit andern des genant[en]||
23 hüßs eygen güttern, sie vergifften, vergeben, versetzen, verkauffen, brechen vnd bueßen Jn aller der maßen vnd zu glicher wise, als hett er die mit||
24 Rechtem gerichte, Wie der Statt lamßheim gewonheit vnd Recht ist, ußerclagt, er volgt, erwunden vnd vßgehalten Vnd darin mit Rechtem||
25 vrteil gesetzt vnd gewert were, Sie Jare vnd tag vnd lenger Jngehabt, Darin gesessen buwelich vnd habelich, ane ansprach vnd hinder-||
26 nis aller menglichs. Vnd herfüre soll sie nit schuetzen oder schirmen keynerley frijheit, geistlich oder weltlich, die sie yetzunt haben oder her-||
27 nach gewinden mochtent, ane alle geuerde. Auch so haben[n] die dickgenant[en] elichelude, verkauffer, geRett vnd versprochen, diese obgenant[en] vnder-||
28 pfande Jnguttem, gewonlichem buwe zu halten, Sie zu bessern vnd nit zu ergern. Auch ist beRett, das Peter Hernutzels sone, geNant Henne,||
29 der dan Jn dem obgemelten sichhuß wönet vnd darin ist, Des obgeschriben zinßs geNissen vnd gebruechen solle sinen lebtagen langk. Vnd||
30 so er von todes wegen abgangen ist, So soll der zinßs allen armen sichen Jn dem obgenant[en] Sichhüß gemeinlichen zu stüre komen||
31 vnd gefallen. Auch so Heinrich Wagener zu dornckheim, zu dieser zijtt pfleger des obgemelten sichhüßs, vor sich vnd alle sine Nach-||
32 komenden den obgenant[en] elicheluden vnd iren erben die besunder fruntschafft gethan, Welichs Jars zu Sant Georien tag, Ee dan||
33 diese obgenant[en] vnderpfande Jn obgeschribener maßen verfallen, werent sie oder ire erben koment vnd bringent samenthafft vnd||
34 zu mole viertzehen gutter Rinscher gulden, gutt von golde vnd swere gnu[n]g von gewichte, Die soll vnd will er oder sine Nach-||
35 komenden von Jne oder iren erben Nemen vnd entpfangen vnd Jne diesen zinßs widder vmb zu losen geben. Vnd wir, Schultheis,||
36 Burgermeinster vnd Rätt obgenant, bekennen, das dieser obgemelter zinßs mit der besseru[n]g der obgeschriben[n] vnderpfanden||
37 zu dieser zijtt wole verleyt vnd vergnu[n]gt ist. Des zu warem vrckunde hab[e]n wir, Schultheis, burgermeinster vnd||
38 Ratt obgenant, vnser, der Statt lamßheim, eygen Jngesiegel vnden an diesen brieff gehangen vns aller obgeschribener dinge||
39 do mit zu besagen. Geb[e]n Jn den Jar[re]n Nach der geburt Cristi, vnsers lieben her[re]n, Dusent vierhundert Siebentzig vnd sie-||
40 ben Jare off Sontag Nach Sant Niclaus, des heilgen bischoffs, tag.

Source Fulltext: Benno Fußer/Dr. Bernfried von Löbbecke, Bad Dürkheim, ehrenamtliche Tätigkeit. Geprüft, überarbeitet und kommentiert von Andreas Kuhn M. A., Neustadt/Weinstraße