Abschrift||
01 Ich Heinrich Hyttenheymer*, Schultheisz des geriechts zü Dorenckheym, Bekennen vnd thün kundt aller menglich mit diesem briefe, wie daz mir die Erbern, die scheff[e]n||
02 gemeynelich des geriechts hie zü Dorenckheim, gesagt hant, daz uor sie in geriechts wiise sin kom[m]en Hugel Hennsel vnd Else, sin eliche huszfrauwe, vnd haben erkant, daz||
03 sie uor sich vnd ir erben uerkaüfft haben vnd uerkeüfften aüch in crafft dieszs brieffs Sant Johanns kirchen hie zü Dorenckhey[m] eynen halben gulden gelts ierlicher gulten iglichs||
04 iars zü Sant Martins des heiligen bieschoffs tag, Im vorwynter gelegen, gefellig, vmb x guld[e]n, der sie von der genant[e]n kirchen weg[e]n wole gewert weren, die auch forter||
05 in Iren nütze vnd from[m]en gekart hetten; vnd haben dar uor zü eyme vnu[er]scheidelichen vnd[er]phande uerlacht, diese hienachgeschr[iben] ir guter, mit nam[m]en I morg[e]n wingart[en] in der kallmütten||
06 geleg[e]n, gefurcht Wygandt, des genan[n]t[e]n Hennsels swag[er], uff ein siite vnd der pfadt uff die and[er] siite, zinset I lagel wyns den h[er]ren uon Schonaüwe. It[em] ein zweiteil ack[er]s uff dem giierszbühel,||
07 gefurcht naher dorff zü Adels Hanns, uszwendig zü Heintz Firnemoller, ist eygen. Soliche vnd[er]phande haben sie uff gebben Hanns Burckart[e]n als eyme kirchenmeinst[er] zü dieser ziit uon der obgna[n]t[en]||
08 kirchen weg[e]n in vnd[er]phandts wiise mit handt vnd mit halme Also bescheidelich, we[re] es sache, daz die obgna[n]t[en] uerkeüffer oder ir erben eyniches iars sumig worden vnd den obgeschr[iben] halben||
09 guld[e]n gelts nit geben vnd bezelt[e]n zü dem vorgna[n]t[en] ziele Sant Martins tag eyme kirchenmeinst[er] der egna[n]t[en] kirchen, der alsdan[n] we[re], mit gelde als hie landes genge, gebe vnd gnugsam we[re],||
10 mocht der selbe kirchenmeinst[er] die vorgeschr[iben] vnd[er]phande daruor uffholen vnd an die egna[n]t[e] kirche bringen, nach des geriechts hie zü Dorenck[heym] recht, Laüff vnd gewoneheit. Die selben||
11 uerkeüffer haben auch mit trüwen gelobt, dar nach mit uffgereckten fingern gestabte eyde zü gote vnd den Heiligen gesworn, daz sie nit anders wüsten wan[n]d daz die vorgna[n]t[en] vnd[er]phande||
12 vor diesem kaüff niemants anders uerlacht aüch nit mee od[er] anders zinszbar weren wandt wie obgeschr[iben] steet. Her uff haben die obgemelten scheff[e]n erkant vnd züm rechten||
13 gespruch[e]n, daz die vorg[en]a[n]t[en] x guld[e]n heupt gelts vnd der halbe guld[e]n gult[e]n dauon mit den vorgeschr[iben] vnderphanden gnügsam uerlacht sin vnd daz die uff gabe der selben vnd[er]phande||
14 moge vnd macht habe. Aber den genanten uerkaüffern ist doch von der obgna[n]t[en] kirchen weg[e]n die frundtschafft gethan, welches iars sie oder ir erben uor Sant Georgen des heilig[e]n ||
15 mertelers tag, vmb die Osterlich ziit geleg[e]n, sampthafft brechten x guter rynescher guld[e]n, von gewiecht vnd montze genge vnd geneme, eyme kirchen meinst[er] der obgna[n]t[en] kirchen||
16 der alszdan[n] we[re], die solt er gewert von Ine nem[m]en vnd Ine diesen brieff craffloisz wydd[er] gebben. Dar dürch solt dan[n] der obgeschr[iben] halbe guld[e]n gelts fort[er] abe vnd die obebestympt[e]n||
17 vnderphande douon ledig vnd loisz sin. Es we[re] dan[n], daz die selben vnderphande des genant[e]n halb[e]n guld[e]n gelts halb[e]n uor hien uff geholet weren od[er] in geriechts klagen oder||
18 forderu[n]ge leg[e]n wandt als dan[n] solt der wydd[er]kaüff nit vorgeen, Der genant kirchenmeinster wolt es dan[n] gern laiszen gescheen. Alle vnd igliche vorgeschr[iben] stucke, punct,||
19 vnd artickel haben die obgenant[e]n v[er]keüffer vor sich vnd ir erb[e]n geredt vnd gelobt, stede, veste vnd vnu[er]bruchlich zü halten vnd wydd[er] dis alles od[er] ein teile nem[m]er zü thün||
20 od[er] schaffen gethan werden in dhein wiise, wenig od[er] viele, heymelich od[er] uffenbar one alle geu[er]de vnd argelist. Vnd so ich Heinrich Hyttenheym[er] Schultheisz obgna[n]t zü der||
21ziit, do sich diese sache vor geriecht gehandelt hat, noch nit schultheisz gewest bin, hant mich doch die scheffen obgemellet der sachen genügsam vnd[e]racht vnd mich gebett[e]n,||
22 diesen brieff von geriechts weg[e]n zü v[er]siegeln; So hant mich aüch die obgenant[e]n v[er]keüffer des gebeten, Daz ich also gethan vnd myn Ingesiegel von geriechts wegen||
23 vnden an diesen brieff gehenckt han. Dat[um] vff montag nach halpfast [= Halbfasten, Sonntag Lätare] Anno d[omi]ni M[illesimo] [quadringentesimo] [octogesimo] primo.

Source Fulltext: Dr. Bernfried von Löbbecke, Bad Dürkheim, ehrenamtliche Tätigkeit Geprüft, überarbeitet und kommentiert von Andreas Kuhn M.A., Neustadt/Weinstraße