Abschrift||
01 Ich Heinrich Hyttenheymer Schultheisz Vnd wir die Scheffen gemeynelich des geriechts zü Dorenckhey[m] Bekennen mit diesem||
02 brieffe vnd thun aller menglich kundt, daz uor vns in geriechts wiise sint kom[m]en Schutzen Heinrich vnd Getze sin eliche huszfraüwe, die erkant[e]n||
03 vor sich vnd ir erben, daz sie der kirchen zu dereck[heym] nem[m]elich sanct iohanns kirchen zu kauff gebben hetten ein ort eynes guld[e]n ierlicher gulten||
04 igliches iars uff sanct martins des heilig[e]n bieschoffs tag Im vorwinter gelegen gefellig vmb v guld[e]n der sie von der genant[e]n kirch[e]n wegen||
05 gewert werent, die auch in Iren nutze vnd noitdurfft gekaret hetten vnd lachten der selben kirchen dar uor zü eym vnuerscheidelichen vnd[er]phande||
06 Züm ersten ii morg[en] wingart[en] in der gerten gef[orcht] vnser h[er]re der paltzgraue uff ein siite vnd die h[er]rn zü lymp[ur]g uff die and[er] siite, zinszet ½ ame wyns||
07 den h[er]rn zü lymp[ur]g It[em] ir hüsz vnd hoiff gegen dem Spital hoiff uber an der müren, zinszt vii [schilling] myn[n]er* iii d[enarii] gein Sebach. Diese vnd[er]phande||
08 gaben sie den gesworn der obg[enanten] kirchen in vnd[er]phandts wiise uff mit handt vnd mit halme Also bescheidelich. Obe sie oder ir erben eyniches iars||
09 sumig vnd lasse word[e]n vnd dem kirchenmeinst[er] eg[e]n[an]t[en] kirchen der alszdan[n] w[er]e daz vor bestympt ort nit gebe vnd bezelte mit gutem gelte als||
10 hie zü dorenck genge vnd geneme w[er]e zü dem genant[e]n ziele sanct martins tag, So mocht der selbe kirchenmeinster die vorschr[iben] vnd[er]phande sampt||
11 hafft daruor uffholen vnd an die obg[e]n[an]t kirche bringen nach dieszs geriechtes recht, lauff vnd gewonheit. Die obg[e]n[an]t[en] uerkeüffer gelobten auch||
12 mit trüwen vnd swüren mit uffgereckten fingern gestabte eyde zü gote vnd den heilig[e]en, daz sie nit anders wieszten wand daz die vorgeschr[iben]||
13 vnderphande nit anders od[er] mee zinszbar sin wandt wie vorgeschr[iben], daz sie aüch vor diesem kaüff niemants anders v[er]satzt od[er] v[er]phandt sin.||
14 Sie versprachen sich auch die selben vnderphande allziit in gewonelichem büwe zü halten. Heruff erkant[e]n wir die obgemelten scheffen vnd||
15 sprachen züm recht[e]n, Daz die vorg[enanten] v guld[e]n vnd daz ort denen zü gult[e]n mit den eg[enanten] vnderphand[e]n siecher vnd wole verlacht sin vnd daz||
16 dieser kauff mit allem syme uerbunteniesz krefftig vnd mechtig sii. Doch ist her Inn den obg[e]n[an]t[en] v[er]keüff[er]n daz furteil behalten welches||
17 iars sie oder ir erb[e]n vor sanct Jorg[e]n des heilig[e]n mertelers tag vmb die osterlich ziit geleg[e]n brecht[e]n den obgemelt[e]n kirchengesworn v gut[er]||
18 vnd genemer Rynescher guld[e]n von golde von gewiecht vnd von montze vnd begert[e]n do mit eynes wydderkauffs des obg[enanten] ortes, die sollten||
19 sie gewert von Ine nem[m]en Ine des wydder kauffs gonnen vnd Ine diesen brieff kraffloisz wydd[er] gebben. Dar durch solt dan[n] daz ort fort[er]||
20 abe die vorschr[iben] vnd[er]phande dauon ledig vnd loisz sin. Es we[re] dan[n] daz die selben vnd[er]phande des genant[e]n ortes halb[e]n vor hien uff ge-||
21 holet weren od[er] in geriechts forderu[n]ge oder klagen legen wandt alsdan[n] solt der wydderkaüff nit vorgeen. Die genant[e]n kirchengeswern||
22 wolten es dan[n] gern laiszen gescheen. Alle vnd igliche stucke, punct vnd artickel in diesem briefe begriffen, geretten vnd gelobten||
23 die obg[e]n[an]t[en] verkeüffer uor sich vnd ir erb[e]n steet, veste vnd vnu[er]brüchlich zü halten vnd wydd[er] die alle od[er] eins teyles nem[m]er zü thün||
24 oder schaffen gethan werd[e]n wenig od[er] viele heymelich oder uffenbar in dhein wiise One alle geuerde vnd Argeliste. Alles des vu[r]**||
25 geriechts weg[e]n vmb bedte willen der obg[e]n[an]t[en] v[er]keuffer vnden an diesen brieff gehenckt. Dat[um] uff montag nach sanct||
26 Jergen des heilig[e]n mertelers tag. Anno d[omi]ni M[illesimo] [quadringentesimo] [tricesimo] [quinto].

Source Fulltext: Dr. Bernfried von Löbbecke, Bad Dürkheim, ehrenamtliche Tätigkeit. Geprüft, überarbeitet und kommentiert von Andreas Kuhn M. A., Neustadt/Weinstraße