Omnibus Christi fidelibus presens scriptum uisuris uel audituris Rogerus ii dei gratia abbas et conuentus sancti Iacobi de Waleden salutem in domino Inspeximus ordinationem quam uenerabiles uiri Petrus archidiaconus et Henricus cancellarius ecclesie Lond inter nos ex una parte et Galfridum decanum et capitulum sancti Pauli ex altera fecerunt super ecclesiis de Elsenham Heyden Gedeleston Rikeling et Norhale de consensu uenerabilis patris domini Rogeri Lond episcopi in hec uerba Omnibus Christi fidelibus etc Quam quidem ordinationem per ipsos duos factam absente tercio collega eorum ad hoc communiter electo Roberto scilicet archidiacono Middelsexie qui interesse non potuit et partium consensus requireret ut tercio procederent tercio non ualente interesse ratam habentes et gratam et cui eorum autentica sigilla dependent scriptura presenti perpetuo ualitura pro nobis nostrisque successoribus et sigilli nostri munimine roborauimus

Source Fulltext: Early Charters of the Cathedral Church of St. Paul, London. Marion Gibbs. Camden Third Series, V.58. Offices of the Royal Historical Society. London. 1939.