Omnibus Christi fidelibus Rogerus dei gratia Lond[] episcopus salutem in domino Cum dilecti nobis in Christo filii Ada diuina permissione abbas Colecestrie eiusdemque loci conuentus ordinacioni uenerabilium virorum Galfridi decani sancti Pauli Lond[] et Petri archidiaconi Lond[] et magistri Willelmi de sancte Marie Ecclesia et magistri Hugonis de sancto Edmundo de Bercweya et de Takeleya de Brithlingeseye de Wyleya et de Erdleya ecclesias et ius patronatus medietatis ecclesie de Bocstede commisissent dicti ordinatores deum pre oculis habentes et ecclesiarum beati Pauli Lond[] et sancti Iohannis Colecestrie necnon et ecclesiarum predictarum honestatem et vtilitatem attendentes secundum quod in instrumento ab eisdem confecto et eorum sigillis consignato continetur de eisdem ecclesiis ordinauerunt quorum quidem ordinacionem rite et prouide et canonice factam fuisse considerantes eandem per consensum nostrum quantum ad episcopalem attinet auctoritatem confirmauimus et sigilli nostri apposicione roboramus Hiis testibus magistro Iohanne precentore nostro magistro Willelmo de Lychefeld[] magistro Willelmo de Lodnes canonicis nostris domino H capellano nostro H et W clericis nostris I et Michaele senescallis nostris et aliis Actum Lond[] anno gratie m c c xxxvii in crastino sancte Lucie

Source Fulltext: Early Charters of the Cathedral Church of St. Paul, London. Marion Gibbs. Camden Third Series, V.58. Offices of the Royal Historical Society. London. 1939.