Omnibus Christi fidelibus presentes litteras inspecturis Hugo diuina permissione abbas sancti Audoeni Rothom et eiusdem loci conuentus salutem in domino Noueritis nos dedisse potestatem et licentiam dilecto monacho nostro fratri Iacobi priori de Meresai presentium exhibitori ut ipse uendendo uel alias disponendo faciet et ordinet de eis omnibus et singulis que habemus apud Londoniam tam intra ciuitatem Lond quam in suburbio ipsius prout monasterio nostro dictus I[acobus] uiderit expedire ratum habituri et gratum quicquid prefatus I[acobus] super omnibus et singulis que habemus apud Londoniam antedictis in quibuscumque consistant uel quibuscumque hominibus censeantur duxerit faciendum In cuius rei testimonium presentibus litteris sigilla nostra duximus apponenda Datum anno domini m cc xxx die sabbati ante festum apostolorum Simonis et Iude

Source Fulltext: Early Charters of the Cathedral Church of St. Paul, London. Marion Gibbs. Camden Third Series, V.58. Offices of the Royal Historical Society. London. 1939.