Sciant presentes et futuri quod ego Ricardus de sancto Albano clericus concessi dimisi et presenti carta mea confirmaui Thome filio Thome filii Ricardi draperii sex domos et gardinum que habui de testamento Nicholai de sancto Albano auunculi mei in parochia sancti Elphegi et quendam locum quem habui de eodem Nicholao in selda Cecilie Blunde in foro qui locus est in interiori angulo eiusdem selde uersus occidentem quem quidem locum Andreas Blundus quondam dicto Nicholao dimisit et Cecilia Blonda uxor sua post obitum suum in sua ligia potestate confirmauit cum libero introitu et exitu et cum liberis demonstrationibus ad communes uersus et cum omnibus pertinentiis et quatuor solidatis redditus quas habui de eodem Nicholao in parochia sancti Andree uersus Alegate de feodo Iohannis de Neuill cum pertinentiis suis quas Robertus de Cornhull de me tenuit scilicet quicquid in dictis domibus et in gardino et loco predicte selde et in predicto redditu quatuor solidorum et in omnibus pertinentiis suis habui uel habere potui in longitudine et latitudine et in rebus cuntis nominatis et non nominatis habend et tenend de me et assignatis meis libere quiete bene et in pace inperpetuum predicto Thome et heredibus suis et cuicumque assignare uoluerit preterquam domibus religiosis et iudeis reddendo de predictis tenementis et redditu michi et assignatis meis sex marcas bonorum esterlingorum ad quatuor terminos anni scilicet infra quindenam natiuitatis sancti Iohannis Baptiste viginti solidos et infra quindenam festi sancti Michelis viginti solidos et infra quindenam natalis domini xx solidos et infra quindenam pasche xx solidos saluis etiam seruitiis dominorum feodi uidelicet monachis de sancto Albano ix solidos ad quatuor anni terminos canonicis de sancto Bartholomeo de Smethefeud v solidos et iii denarios ad eosdem terminos Iohanni camerario et heredibus suis ii solidos ad duos terminos anni uidelicet ad pascha xii denarios et ad festum sancti Michelis duodecim denarios heredibus Iordani le Taconer unam libram cymini uel ii denarios ad natiuitatem sancti Iohannis Baptiste et de soccagio quantum ad dictum gardinum pertinet et Cecilie Blonde et heredibus suis annuatim septem solidos ad predictos quatuor anni terminos et Roberto Bret et heredibus suis ii denarios per annum uidelicet ad pascha que seruicia idem Thomas et heredes sui debent annuatim facere et acquietare Debent etiam predicta tenementa et edificia ad sumptus suos sustinere et emendare Et sciendum quod bene licebit michi predicto Ricardo et assignatis meis predicta tenementa et etiam omnia alia tenementa et omnes redditus predicti Thome et heredum suorum ubicumque fuerint in London namiare donec fuerit nobis plenarie satisfactum si termini solutionis non fuerint obseruati Ad quorum obseruationem terminorum dictus Thomas se et heredes suos fide media obligauit Et ego itaque Ricardus et assignati mei predictas domos gardinum et locum in predicta selda et predictum redditum quatuor solidorum cum eorum omnibus pertinentiis contra omnes homines feminas iudeos et iudeas warantizabimus per predictum seruitium sex marcarum saluis predictis seruitiis dominis feodorum que idem Thomas et heredes sui reddere tenentur sicut prescriptum est Pro hac igitur concessione etc dedit michi sepedictus Thomas viginti solidos in gersummam Hiis testibus Gerardo Bat tunc maiore Lond Radulfo Heswy et Reginaldo de Bongey tunc uicecomitibus et aliis

Source Fulltext: Early Charters of the Cathedral Church of St. Paul, London. Marion Gibbs. Camden Third Series, V.58. Offices of the Royal Historical Society. London. 1939.