Ernaldus abbas et conventus ecclesie Sancte Marie de Hamme omnibus filiis Sancte Matris ecclesie tam presentibus quam futuris salutem Notum sit vobis quod nos debemus reddere monialibus ecclesie Sancte Marie de fonte clericorum singulis annis xx solidos census de terra et de domo que fuit Galufridi filii Marie per iiii terminos anni scilicet ad Natalem domini v solidos ad Pascham v sol[] ad festum Sancti Iohannis Baptiste v sol[] ad festum Sancti Michaelis v sol[] quam terram et quam domum Gaufridus de Sancto Eligio reliquit nostre ecclesie in perpetuam elemosinam tali conditione quod nos debemus in perpetuum reddere predictus monialibus singulis annis xx solido esterlingorum quem redditum predictus Gaufridus dedit in perpetuam elemosinam prenominatis monialibus pro salute ipsius anime et pro anima Matilde sue uxoris et pro animabus filiorum suorum cum Agnete cognata sua filia Rocelini nepotis sui facienda moniali in ecclesia de fonte clericorum Et quia volumus quod iste redditus sit stabilis et perpetuus cum carta sigillo nostro signata confirmamus Testibus Elia capellano Radulfo fratre Ioscelini et Iocelino suo filio Alano le Burser Roberto de Roem Petro filio suo Rogero de Paris Gerardo suo nepote Hunfrido Winneham Alano nepote Gervasii Bartholomeo Hachet Willelmo Cerf Roscelin Griffin Aluf filio Fremundi Petro capellano Alexandro de fonte clericorum qui hanc cartam scripsit

Source Fulltext: Cartulary of St. Mary Clerkenwell. W. O. Hassal. Camden Third Series, V.71. Offices of the Royal Historical Society. London. 1949.