Sciant presentes et futuri quod ego Symon filius Thome aurifabri de London[] dedi et concessi et hac presenti carta mea confirmaui Alienore priorisse ecclesie Sancte Marie de Clerekenewell[] et eiusdem loci conuentui totam terram cum omnibus pertinenciis suis quam habui in parochia Sancti Martini Magni London[] retro curiam que fuit Iordani Peuerel que eciam terra iacet versus austrum propinquior iuxta terram que fuit Symonis fabri ex opposito terre que fuit Rogeri Fiz et continet predicta terra in latitudine in fronte iuxta regium vicum xxx et vii pedes de pedibus Sancti Pauli et totidem pedes in latitudine in fine eiusdem terre iuxta predictam curiam Iordani Peuerel[] in longitudine vero a predicto regio vico vsque ad predictam curiam Iordani Peuerel[] quinquaginta et vnum pedem scilicet quicquid ibidem habui in terris in lignis in lapidibus in domibus et redditibus in longitudine et latitudine in rebus cunctis sine aliquo retenemento habend et tenend eidem Alienore priorisse et predicto conuentui et successoribus suis de me et de heredibus meis in feodo et hereditate libere quiete integre in perpetuum bene et in pace reddendo inde annuatim mihi et heredibus meis dimidiam libram cimini vel i den ad pascham pro omni seruitio et exactione et rebus cunctis et heredibus Alani filii Petri pro omnibus rebus dimidiam marcam argenti annuatim ad iiij terminos anni videlicet ad natal[] domini xx d ad pascham xx d ad natiuitatem Sancti Iohannis baptiste xx d et ad festum Sancti Michaelis xx d sine omni occasione et meskenniga Et sciendum est quod ego Symon siue heredes mei vel aliquis alius vel aliqua per nos vel pro nobis nullo modo poterimus dehospitari de predicta terra siue de suis pertinenciis predictum conuentum vel successores suos vel aliquos alios quos in predicta terra loco suo posuerint in perpetuum causa nos vel aliquem alium hominem vel feminam per nos vel pro nobis ibidem hospitandi nec inde amplius poterimus habere exigere vel clamare in perpetuum quam predictam dimidiam libram cimini vel vnum denarium per annum pro omnibus rebus Hanc autem terram integre cum omnibus pertinenciis suis ego Symon et heredes mei finabiliter warantizabimus predictis priorisse conuentui et successoribus suis contra omnes homines et feminas Pro hac igitur donatione concessione et warantizatione et sigilli mei appositione et presentis v marcas et dimidiam esterlingorum in gersummam Hiis testibus Michaele de Sancta Elena tunc aldermanno Thoma de Hauerhell[] Willelmo Iuuenal Abel[] aurifabro Iohanne de Woburn[] Herberto de Donmowe Ricardo de Walenciis Roberto de Sancto Martino Willelmo de Ripa clerico

Source Fulltext: Cartulary of St. Mary Clerkenwell. W. O. Hassal. Camden Third Series, V.71. Offices of the Royal Historical Society. London. 1949.