Sciant presentes et futuri quod ego Willelmus de Winton filius quondam Nicholai de Winton dedi et concessi et hac presenti carta mea confirmaui deo et ecclesie Sancte Marie de Clerekwell et monialibus ibidem deo seruientibus in puram et perpetuam elemosinam pro anima mea et pro anima patris mei et anima matris mee et pro animabus antecessorum meorum totam terram cum domibus et pertinentiis quam habui in parochia Sancti Martini Orgor inter terram que fuit Roberti de Winton uersus aquilonem et terram quam Fulco le Waider tenuit uersus austrum et quicquid iuris in predicta terra habui uel habere potui in longitudine et latitudine et profunditate in lapidibus in lignis in edificiis et in rebus cunctis post obitum Margarete et Benedicte sororum mearum monialium de Clerekenwell habend et tenend dictis monialibus et earum successoribus libere quiete bene et in pace in perpetuum saluo tamen seruitio domini feodi scilicet duabus sol de eadem terra soluendis ad duos terminos anni scilicet ad festum Sancti Michelis xii denar et ad pasca xii d Ego autem predictus Willelmus hanc terram predictam cum domibus et pertinentiis prenominatis predictis monialibus et earum successoribus sicut meam puram et perpetuam elemosinam contra omnes homines et feminas warantizabo Et eodem modo omnes heredes mei meam predictam elemosinam warantizabunt Et ut hec mea donatio et concessio et confirmatio perpetuam obtineat firmitatem presentem cartam sigilli mei impressione roboraui Et ad maiorem securitatem traddidi omnes cartas quas pater meus habuit de prefata terra predictis monialibus ne ego uel heredes mei uel aliquis per nos uel pro nobis meam predictam elemosinam possemus aliquo modo perturbare Quare si alique alie carte inueniantur et ad perturbationem mee confirmationis et elemosine predicte perducantur pro falsis et inanibus habeantur Hanc autem cartam feci predictis monialibus et eam sigilli mei inpressione roboraui Anno regni regis Henrici filii Iohannis regis xxiii x Kal Iulii Hiis testibus Girardo Bat tunc maiore Lond

Source Fulltext: Cartulary of St. Mary Clerkenwell. W. O. Hassal. Camden Third Series, V.71. Offices of the Royal Historical Society. London. 1949.