Hec est finalis concordia facta in curia domini regis apud Releygh[] in crastino beati Nicholai episcopi anno regni regis Edwardi filii regis Henrici quartodecimo coram Salomone de Roff[] Waltero de Hopton[] Ricardo de Boylaund Roberto Fulton[] magistro Thoma de Sothinton[] et Waltero de Stirchesl[] iustic[] itinerantibus et aliis domini regis fidelibus tunc ibi presentibus inter Agnetem priorissam de Clerkenewell[] querentem per Thomam de Baudack positum loco suo ad lucrandum vel perdendum et Waleramum filium Eustachii de Rocheford[] deforciatum de triginta sol[] redditus cum pertinenciis in Shobyr[] vnde predicta priorissa questa fuit de hoc quod cum finis factus fuisset in curia domini regis Henrici patris predicti domini regis Edwardi coram Willelmo quondam abbate Sancti Iohannis Colecestrie et sociis suis iustic[] itinerantibus apud Chelmerford[] inter Margeriam quondam priorissam de Clerkenewelle predecessorum predicte priorisse querentem et Waleranum de Rocheford[] auum predicti Walerami filii Eustachii cuius heres ipse est deforciantem de predicto redditu et idem Waleramus de Rocheford[] in eadem curia coram eisdem iustic[] pro se et heredibus suis eidem priorisse et aliis priorissis que ei succederent et ecclesie sue beate Marie de Clerkenewell[] predictum redditum per predictum finem in perpetuum concessisset predictus Walramus filius Eustachii contra predictum finem ei detinuit et vnde placitum finis facti summonitum fuit inter eos in eadem curia scilicet quod predictus Walramus filius Eustachii recognouit predictum redditum cum pertinenciis esse ius predicte priorisse et ecclesie sue predicte et illum ei reddidit in eadem curia percipiendum per manus Thome de Todeham et heredum suorum de sexies viginti acris terre cum pertinenciis quas idem Thomas tenet de predicto Waleramo filio Eustachii in parua Shobyr[] ad duos terminos scilicet medietatem ad natale domini et alteram medietatem ad nat[] Sancti Iohannis baptiste saluis tamen eidem Waleramo filio Eustachii et heredibus suis omnibus aliis seruiciis que ad predictam terram pertinent et similiter saluis eidem Waleramo filio Eustachii et heredibus suis homachiis warandis releuiis et escaetis cum contigerint de eodem tenemento habend et tenend eidem priorisse aliis priorissis que ei succedent et ecclesie sue predicte de predicto Waleramo filio Eustachii et heredibus suis in puram et perpetuam elemosinam liberam et quietam ab omni seculari seruicio et exaccione in perpetuum Et predictus Waleramus filius Eustachii et heredes sui warantizabunt acquietabunt et defendent eidem priorisse et aliis priorissis que ei succedent et ecclesie sue Predicte predictum redditum cum pertinenciis sicut predictum est vt puram et perpetuam elemosinam suam liberam et quietam absque aliquo seruicio inde faciendo contra omnes homines imperpetuum Et predicta priorisa recepit predictum Waleramum filium Eustachii et heredes suos in singulis beneficiis et orationibus que de cetero fient in ecclesia sua predicta imperpetuum Et hec concordia facta fuit presente predicto Thoma et cognoscente se debere predictum redditum et similiter concedente pro se et heredibus suis quod ipsi de cetero erunt intendentes et respondentes predicte priorisse et aliis priorissis que eis succedent et ecclesie sue predicte de predicto redditu sicut predictum est Et quia constabat prefatis iustit[] per inquisitionem quam ipsi ad mandatum predicti domini regis per breue suum de cancellaria sua eis transmissum inde fecerunt quod predecessores predicte priorisse et ecclesia sua predicta fuerunt in seisina de predicto redditu per longum tempus ante confectionem statuti predicti domini regis de tenementis in manum mortuam non ponendis ita quod nulla fuit collusio inter predictam priorissam et predictum Waleramum de predicto redditu ipsi finem istum leuari promiserunt

Source Fulltext: Cartulary of St. Mary Clerkenwell. W. O. Hassal. Camden Third Series, V.71. Offices of the Royal Historical Society. London. 1949.