Sciant presentes et futuri quod ego Iohannes filius Roberti filii Symonis quondam ciuis London remisi et quieteclamaui domino Iuliane Abbatisse Ecclesie sancte Trinitatis de Cadamo in Normannia et eiusdem loci humili conuentui totum ius et clamium si quid habui uel habere potui uel debui in tota terra cum domibus superedificatis et pertinentiis in parrochia Sancti Martini parui infra Luthgath iuxta capitale managium domini Petri de Neuport tunc archidiaconi London[ie] ex parte australi Ita etiam quod ego Iohannes predictus et heredes siue assignati mei nullatenus poterimus nec debemus decetero habere ius uel clamium in predicta terra cum domibus et pertinentiis Nec aliquid inde exigere nec clamare poterimus in perpetuum Pro hac autem mea remissione et quieta clamatione dederunt michi predicte sanctimoniales viginti solidos esterlingorum Et ut hec mea finalis remissio et quieta clamatio rata et inconcussa inperpetuum perseueret presens scriptum sigilli mei inpressione roboraui Actum inter quattuor bancos communis aule London anno Regni regis Henrici tertii vicesimo sexto Hiis testibus Domino Radulfo Eswy tunc maiore Thoma de Dunholmia et Iohanne Uitali iuniore tunc uicecomitibus Willelmo Ioynier Reginaldo de Bung Ioceo filio Petri Roberto filio Iohannis Michael de Sancta Helena Symone filio Marie Radulfo Sperleng Henrico filio Willelmi Waltero de Winton Nicholao Bat Stephano Bukerel Iohanne Norman Iohanne de Wilhal Iohanne Thom tunc clericis uicecomitum Alexandro clerico et multis aliis

Source Fulltext: Charters and Custumals of the Abbey of Holy Trinity Caen. John Walmsley. The French Estates. British Academy. Oxford University Press. London. 1994 .