Charter: Documents of Early England Data Set 00040107
Signature: 00040107
Add bookmark
Edit charter (old editor)
1187-12-01 - 1187-12-06, WESTMINSTER, MIDDLESEX (ENGLAND)
(AgreementSettlementWHITE WALTHAM, ESSEX (ENGLAND)) Givers: Hubert Walter (Dean of York Cathedral), Ralph de Diceto (Dean of London - St. Paul's Cathedral) Receivers: Walter (Abbot of Waltham Abbey), William Cumin (Parson of White Waltham Church)Source Regest: DEEDS-Database: http://deeds.library.utoronto.ca/charters/00040107
x
Hubertus dei gratia decanus Eboraci et Radulfus decanus Lond omnibus Christi fidelibus ad quos presentes littere peruenerint salutem in domino Ad communem omnium uestrum uolumus notitiam deuenire controuersiam que uertebatur inter Walterum abbatem de Waltham et conuentum eiusdem loci et Willelmum Cumin personam ecclesie de WestWaltham super decimis de dominio abbatis in WestWaltham quas nomine ipsius ecclesie iam dictus Willelmus sibi uendicauerat in presentia nostra auctoritate summi pontificis Urbani tercii nobis commissam concordia mediante hoc fine conquieuisse Abbas igitur et conuentus de Waltham ecclesie de WestWaltham bladum tantum unius acre de frumento et bladum tantum unius acre de auena de acris melioribus singulis annis in autumpno de dominio eorum inperpetuum percipiendum concesserunt Et si abbas aliquid de terra rusticorum in dominium suum assumpserit ecclesia de WestWaltham nichilominus illius terre decimas plenarie percipiet Set et si abbas quicquam de terra dominii rusticis colendum tradiderit decime plenarie ecclesie de WestWaltham cedent quamdiu rustici illud excoluerint et si iterum in dominium assumptum fuerit a decimarum prestatione quietum erit De noualibus uero que propriis sumptibus abbatis et conuentus de Waltham ad agriculturam redacta fuerint ecclesia de WestWaltham nomine decimarum nichil omnino percipiet Si uero laboribus rusticorum noualia facta fuerint omnes decimationes eorum ecclesia de WestWaltham percipiet Hec transactio facta fuit in capella beate Katerine apud Westmonaster infra octauas beati Andree anno incarnati uerbi mclxxxvii Waltero de Waltham et Bertranno de Certeseya abbatibus in presentia nostra constitutis et consentientibus et utriusque loci conuentu per litteras suas nobis destinatas ratum habente Hanc igitur transactionem ut inter utrumque conuentum et personas ecclesie de WestWaltham in posterum firma perpetuo permaneat presenti scripto et sigillorum nostrorum appositione auctoritate apostolica qua fungimur confirmamus Testibus his Radulfo archidiacono Colecestrie Magistro Adam de Sancto Edmundo Ricardo clerico de Eyton Iohanne de Burnham Dauid capellano Magistro Samuele Magistro Willelmo de Alencun Alexandro de Northfolc
Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.
Comment
Date: A.D. FeastCharter on the DEEDS-homepage: http://deeds.library.utoronto.ca/charters/00040107
Editions:
- Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.
Places
- conventus Waltham
Persons
- Alencun, Willelmus de, magister
- Burnham, Iohannes de
- Certeseya, Bertrannus de, abbas
- Colcestrie, Radulphus, archdiaconus
- Cumin, Willelmus, persona ecclesie de WestWaltham
- David, capellanus
- Eyton, Ricardus de, clericus
- Hubertus, decanus Eboraci
- Northfolc, Alexandrus de
- Radulfus, decanus London[]
- Samuel, magister
- Sancto Edmundo, Adam de, magister
- Waltham, Walterus de, abbas
Keywords
- General:
- Agreement
- Settlement
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
