Notum sit presentibus et futuris quod ego Rogerus de Waunci et ego Beatrix Waunci sua uxor et ego Michael de Waunci eorum filius debemus Bruno iudeo de London[] ii c marcas argenti et decem Et hec est summa totius debiti nostri quod debuimus ei quindecim dies post festum Sancti Iohannis Baptiste proximum postquam Henricus rex filius Henrici regis Anglie fuit coronatus Et inter has ij c marcas argenti et decem habet octo libras argenti et dimidiam marcam quas accomodavit nobis usque ad proximum Natale post festum Sancti Johannis Baptiste prenominati sine lucro et si ultra illas tenuerimus nos dabimus ei pro singula libra ij denarios per septemanam de lucro super eundem vadium nostri manerii quod ista carta divisit usque reddiderimus octo libras argenti et dimidiam marcam cum lucro Et pro hiis ij c marcis argenti et decem invadiavimus ei nostrum manerium de Ponte Tegule et Stanstede in redditibus in culturis in nemore in aqua in pratis in molendinis in virgultis in halla in horreis in domibus rusticorum Et sic istud manerium invadiavimus ei sicut nos habuimus salvo tenemento hominum meorum tali iure et talibus moribus sicuti nobis fecerunt et salvis nostris elemosinis scilicet ecclesia de Stanstede quam dedimus ad ecclesiam Sancte Marie de Mertune et xx solidis redditus ad eandem ecclesiam scilicet domus Ricardi filii Adam et una mansura vastata et ad hospitalem Hierosolime mansuram Ricardi Lec Et de nemore nostro habebit omnes exitus sicuti nos habuimus sine vendere et dare ad devastandum Et istud manerium predictum invadiavimus ei cum omnibus pertinenciis sine omni retinencia ad nostrum opus Et istud manerium predictum debet ipse habere de festivitate Sancti Iohannis Baptiste post coronationem filii Henrici regis Anglie in unum annum tali divisione Si reddiderimus ei ad terminum predictum ii c marcas argenti et decem predictas nostrum manerium erit quietum et ipse reddet nobis nostrum manerium ita restauratum sicut ei tribuimus sicut cirographum inter nos testificabitur et si magis super manerium imposuerit nos ei reddiderimus Et si nos non reddiderimus ei debitum predictum ad terminum statutum sicut predictum est Brunus tenebit manerium predictum annuatim quousque plenarie reddiderimus ei debitum predictum et quamdiu debebimus ei predictum debitum nichil capere possumus nec aliquis per nos quousque persolverimus ei debitum predictum Hanc conventionem affidavimus legaliter tenend pro nobis et heredibus nostris warantizandum contra omnes homines illi et heredibus suis Hiis testibus Rogero de Clare etc[]

Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.