Notum sit omnibus tam presentibus quam futuris quod ego Michel de Waunci debeo Benedicto iudeo de Lond Paruo xl solidos sterlingorum reddendos ad festum Sancti Michelis proximum post primum aduentum patriarche Ierosol in Anglia Et si illos ulterius tenuero per grantum suum tenebo et dabo illi pro singula libra omni septemana quamdiu illas tenuero vj denarios de lucro ad terminos et respectus quos michi inde dare uoluerit et infra xv dies sue summonitionis uel nuntii sui faciam grantum suum de catallo et lucro Et de hoc debito recipiendo assignaui predictum iudeum Benedictum Paruum ad abbatem Sancte Crucis de Waltham et ad canonicos eiusdem loci concessione et bona uoluntate predicti abbatis et conuentus ut predicto iudeo reddant predictum debitum de debito meo quod michi reddere debent ad predictum festum Sancti Michelis Et quando predictus abbas et conuentus eidem Benedicto predictum debitum reddiderint recipient de illo hanc cartam meam in testimonium Et si ita euenerit quod predictus abbas et conuentus predicto Benedicto predictum debitum ad terminum prenominatum non reddiderint ego predictus Michel predicto iudeo ad summonitionem suam reddam catallam et lucrum uel ei qui hanc cartam meam michi attulerit et tantum debeo illi facere de illo debito persoluendo quantum fecerim ipsi Benedicto iudeo Et hoc illi et heredibus suis tenend pro me et heredibus meis legitime affidaui

Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.