Omnibus Christi fidelibus presens scriptum visuris Nicholaus clericus filius Walteri Forestarii de Waltham salutem in domino Noverit universitas vestra me pro salute mea et antecessorum meorum concessisse dedisse et hac presenti carta mea confirmasse deo et ecclesie Sancte Crucis de Waltham et canonicis regularibus ibidem deo servientibus in puram et perpetuam elemosinam plenam licentiam et liberam potestatem quantum ad me et ad heredes meos pertinet fodiendi pratum quod dicitur Colberddesholm sine omni impedimento et contradictione ad ponendum emendandum et renovandum cum opus fuerit et eis placuerit conductum fontis sui quem ducunt de Wermel[] ad ecclesiam suam ad sacramentum altaris et ad alios usus domus sue Si veto contingat quod prefati canonici in predicto prato meo conductum suum ponendo vel renovando vel aliquo alio modo per conductum suum dampnum aliquod michi vel heredibus meis intulerint ipsi sine contradictione et dilatione per visum quatuor hominum de vineto michi et heredibus meis emendabunt et dampnum restaurabunt Hanc autem concessionem et donationem meam ego et heredes mei warantizabimus contra omnes homines et omnes feminas inperpetuum Hiis testibus etc[]

Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.