Omnibus Christi fidelibus ad quos presens scriptum pervenerit Thomas dei gracia Norwicens[is] episcopus salutem in domino Ad universorum noticiam volumus pervenire nos causa dei et[] religionis favore et assensu capituli nostri Norwicensis concessisse et presenti carta nostra confirmasse dilectis in Christo filiis abbati et conventui ecclesie Sancte Crucis de Waltham ecclesiam Sancti Petri de Geistweit nostre diocesis cum omnibus ad ipsam pertinentibus habend in proprios usus et perpetuo possidendam post decessum Radulfi filii Petri eiusdem ecclesie rectoris salva vicaria competenti rationabiliter taxanda cum ecclesiam predictam vacare contigerit Ad quam vicariam quosciens vacare contigerit nobis et successoribus nostris predicti abbas et conventus de Waltham personam ydoneam quamcumque voluerimus sine difficultate ac alicuius pravitatis et contradictionis obstaculo presentabunt et nos et successores nostri libere et absolute auctoritate diocesana in vicaria predicta eundem instituemus Et si forte dicti abbas et conventus omiserint vel neglexerint tempore opportuno presentare nos et successores nostri ipsis irrequisitis vicarium instituemus ibidem salvis eciam in omnibus reverencia et obediencia nobis et successoribus nostris et sacrosancte Norwicensis ecclesie consuetudinibus debitis vel consuetis Dictus autem vicarius pro tempore omnia onera canonica prefate ecclesie sustinebit videlicet in procurationibus archidiaconorum et decanorum Dicti autem abbas et conventus omnes defectus ecclesie tam in libris quam in ornamentis ecclesiasticis quo ad duas partes et vicarius quo ad terciam partem sustinebunt Dat[] Lond[] septimo decimo kalendas Novembris pontificatus nostri anno primo Hiis testibus etc[]

Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.