Omnibus dei fidelibus ad quos presens scriptum peruenerit Rogerus filius Euerardi de Geiste salutem Sciatis quod Euerardus pater meus assensu meo et bona uoluntate mea dedit et concessit et carta sua confirmauit deo et ecclesie Sancte Crucis de Waltham et canonicis regularibus ibidem deo seruientibus in puram et perpetuam elemosinam ecclesiam Sancti Andree de Geiste et ecclesiam Omnium Sanctorum de Geistetorp et terciam partem ecclesie Sancti Petri de Nortune cum omnibus pertinentiis earum ad usus et sustentationem predictorum canonicorum et ad hospitalitatem domus de Waltham perpetuo sustinendam Et hanc donationem fecit predictus pater meus pro anima Regis Henrici secundi et pro anima patris sui proprii et matris sue et omnium predecessorum suorum et omnium fidelium et pro salute Regis Ricardi et pro salute sua et Alienoris uxoris sue matrisque mee et pro salute mea et Ricardi fratris mei et Iohannis Norwicensis episcopi et pro salute omnium successorum et parentum suorum sicut carta ipsius testatur quam inspexi et coram me lecta fuit Quapropter ut predicta donatio patris mei stabilis et firma sit in perpetuum illam presenti scripto et sigilli mei appositione confirmo Et uolo quod predicti canonici prenominata benefitia habeant et teneant ex dono patris mei et hac mea confirmatione libere quiete et integre cum omnibus ad illa pertinentibus in terris in pratis et pascuis in uiis et semitis aquis et turbariis et omnibus aliis rebus cum omni iure et libertate quam predicte ecclesie aliquo tempore habuerunt Preterea gratam habeo et ratam institutionem quam Iohannes Norwicensis episcopus fecit Waltero abbati et canonicis de Waltham in uacantem ecclesiam de Geiste postquam Warnerius omne ius quod in prefata ecclesia habuit resignauerat Huius autem confirmationis mee testes sunt Thomas archidiaconus Galfridus de Bocland Magister Ricardus Magister Stephanus Croc Magister Herbertus Walterus clericus de Algo Philippus capellanus Magister Symon Willelmus clericus Willelmus de Logeuill Rogerus Perteuin Robertus le Porter Iohanne

Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.