[o]mnibus Christi fidelibus presentem cartam visuris vel audituris frater Henricus abbas et conventus humilis de Sybetun[] salutem in Domino Noverit universitas vestra nos concessisse et presenti carta nostra confirmasse Roberto Herl pro homagio et servitio suo totum tenementum quod tenuit de domino Jacobo de Giney tenend et habend illi et heredibus suis de nobis et successoribus nostris bene et in pace libere quiete et hereditarie reddendo inde nobis annuatim sex solidos ad duos terminos scilicet ad festum Sancti Michaelis tres solidos et ad Pascha tres solidos pro omni servitio consuetudine et exactione ita scilicet quod non debemus aliquid amplius exigere de predicto Roberto et heredibus suis pro predicto tenemento preter servitium debitum exceptis releviis et wardis si acciderint Nec predictus Robertus nec heredes sui poterunt aliquo modo dictum tenementum in alia domo religiosa vel Judaismo ponere vel alienare unde a predicto tenemento vel servitio possimus elongari Et ut concessio nostra et confirmatio rata sit et stabilis presenti carte sigillum nostrum apposuimus Testibus

Source Fulltext: Sibton Abbey Cartularies and Charters. Philippa Brown. Suffolk Charters, Vs.7,8,9,10. Suffolk Records Society. Boydell and Brewer. Woodbridge, Suffolk; Dover, N. H., U.S.A. 1986-88.