[s]ciant presentes et futuri quod ego Henricus abbas et conventus humilis de Sybetun[] concessimus et presenti carta nostra confirmavimus Helewise quondam uxori Roberti Warmale de Orford[] totum illud mesuagium cum domibus et pertinentiis in villa de Orford[] que fuit quondam Warini Spurnewat[] preter illam peciam terre quam Stephanus de Stanheye de nobis tenet sicut continetur in carta quam predictus Robertus Warmale de domo de Sybetun[] habuit de eodem mesuagio tenend et habend de nobis et successoribus nostris illi et heredibus suis vel cuicumque et quandocumque illud dare legare vel assignare voluerit exceptis domibus religionis et Judaismo bene et in pace libere et quiete et hereditarie reddendo inde annuatim nobis et successoribus nostris sex denarios scilicet ad festum Sancti Michaelis tres denarios et ad Pascha tres denarios pro omni servitio consuetudine et exactione Et nos et successores nostri warantizabimus dictum mesuagium cum pertinentiis predicte Helewise et heredibus suis vel assignatis per predictum servitium contra omnes in perpetuum Et sciendum quod dicta Helewisa et heredes sui et ipsius assignati non poterunt dictum mesuagium vendere vel legare vel aliquo modo elongare unde a predicto redditu possimus elongari In huius rei testimonium huic scripto partito sigilla nostra hinc inde sunt apposita Testibus

Source Fulltext: Sibton Abbey Cartularies and Charters. Philippa Brown. Suffolk Charters, Vs.7,8,9,10. Suffolk Records Society. Boydell and Brewer. Woodbridge, Suffolk; Dover, N. H., U.S.A. 1986-88.