Omnibus Christi fidelibus ad quos presens scriptum pervenerit Walterus Dei gracia Norwicencis episcopus salutem eternam in Domino Etsi omnium religiosorum episcopali pululemus dileccione illos tamen maiori tenemur prosequi beneficio qui in nostra diocesi constituti hospitalitatis causa se ipsos eviscerant et depauperant Cum igitur dilecti filii prior et conventus de Stok[] operibus misericordie intendentes hospitalitatis gracia cunctis se insignes reddant et pauperibus undique ad eos confluentibus congrua subsidia administrent nos illis decem solidos annuos quos nomine pencionis ex collacione predecessorum nostrorum in ecclesia de Rede optinebant in manus nostras resignantibus et se super eandem ecclesiam in omnibus voluntati nostre committentibus volentes eis graciam facere specialem quinquaginta solidos in eadem ecclesia nomine perpetui beneficii annuatim concessimus ad duas synodos de Gyppiswic[] a rectore eiusdem percipiendos ita quod decendente vel recedente nunc rectore eiusdem ecclesie ipsa ecclesia cedat eis in proprios usus salva vicaria per nos vel successores nostros taxanda Datum apud Sybetun[] iii idus Aprilis pontificatus nostri anno primo

Source Fulltext: Stoke-by-Clare Cartulary. Christopher Harper-Bill and Richard Mortimer. Suffolk Charters, V.4. Suffolk Records Society. Boydell and Brewer. Woodbridge, Suffolk. 1982-84.