Omnibus Christi fidelibus ad quos presens scriptum peruenerit Robertus dei gracia Linc[] episcopus salutem in domino Nouerit uniuersitas vestra quod cum inter dilectos in Christo filios Johannem de Crachale rectorem ecclesie de Schitlingdon[] ex una parte et priorem et conuentum de N ex altera coram abbate de Brunna et coniudicibus suis super duabus partibus decime garbarum proueniencium de tota terra que est de feodo domini W de Bellocampo in magna Holewell[] et super marca annua quam dicti prior et conuentus receperunt a predecessore ipsius Johannis pro predictis decimis super quibus decimis et marca annua idem rector petebat eisdem perpetuum silencium imponi auctoritate apostolica questio verteretur dictis abbate de Brunne et coniudicibus suis vices suas aliis totaliter committentibus proposita coram eisdem contra dictos priorem et conuentum intencionem dicti Johannis et super ea habita altercacione tandem partibus coram nobis ad componendum legitime comparentibus et impetratis et impetrandis vel per se vel per alium necnon accioni cuilibet sibi racione predictarum decimarum et prestacionis annue penitus renunciantibus sponte se subiecerunt nostre ordinacioni nos igitur volentes paci et tranquillitati perpetue ecclesiarum et partium paterna sollicitudine prouidere dilectorum in Christo filiorum abbatis et conuentus de Ram[] predicte ecclesie verorum patronorum interueniente consensu super premissis de iuris peritorum consilio ita duximus ordinandum videlicet quod rector dicte ecclesie de Sitlingdon[] quicunque pro tempore fuerit imperpetuum et integre nomine ecclesie predicte percipiet omnes predictas decimas tanquam ad prefatam ecclesiam de iure communi pertinentes ita quod in predictis decimis vel quibuscumque aliis sitis infra limites parochie sue de Sitlingdon[] dicti prior et conuentus nihil iuris inperpetuum sibi possint vendicare soluendo annuatim predictis priori et conuentui nomine dictarum decimarum unam marcam argenti ad duos terminos videlicet ad Pascha dimidiam marcam et ad festum sancti Michaelis dimidiam marcam ita quod racione dictarum decimarum inposterum nihil amplius petere possint nec questionem aliquam super eisdem decimis prefato Johanni vel successoribus suis inperpetuum mouere ad quam marcam annuam predictis terminis soluendam dictus Johannes et successores sui per nos et successores nostros per censuram ecclesiasticam si necesse fuerit compellantur Ut autem hec ordinacio non personalis set realis et perpetua permaneat eidem ordinacioni in modum cirographi in scriptis redacte sigillum nostrum una cum sigillis predictorum patronorum et partium duximus apponendum Facta est autem hec ordinacio in crastino circumcisionis dominice apud Spandwik[] anno incarnacionis domini millesimo ducentesemo quadragesimo Hiis testibus etc

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.