Anno ab incarnatione domini m cc tricesimo quarto in crastino sancti Ualentini cum auctoritate mandati apostolici ab H priore et canonicis de N ad priorem de Dunestapl archidiaconum et decanum Bed impetrati inter prenominatos priorem et canonicos de N ex una parte A abbatem et conuentum de Wardone ex altera super decimis prouenientibus de terra quondam Hugonis Mauclerc que clauditur nouo fossato in campo de Suthgiuel abbati et monachis de Wardone ad firmam concessis pro quinque solidis annuis questio uerteretur tandem sub hac forma pacis conquieuit uidelicet quod predicti prior et conuentus concesserunt dictis abbati et conuentui liberam retentionem decimarum prouenientium de predicta terra ad firmam pro quinque solidis annuatim in festo sancti Michelis a dictis abbate et conuentu predictis canonicis persoluendis predicti autem abbas et conuentus dictis priori et conuentui de arreragiis satisfecerunt nomine huius compositionis antiquis nichilominus compositionibus in suo robore permansuris remiserunt etiam dicte partes sibi inuicem omnes inurias et actiones que sibi usque ad dictum diem competierunt uel competere potuerunt et ad hanc compositionem perpetuo conseruandum subiecerunt se dicte partes iurisdictioni dictorum iudicum ad cohercendam quamcumque partem si contra eam uenire temptauerit Et in huius rei testimonium dicte partes una cum sigillis predictorum iudicum sua sigilla apposuerunt Hiis testibus etc

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.