Omnibus Christi fidelibus presens scriptum visuris vel audituris Herueus prior de N et eiusdem loci conuentus salutem in domino Nouerit uniuersitas vestra nos unanime consensu capituli nostri pro nobis et successoribus nostris concessisse dimisisse et quantum in nobis est dedisse dilecto nobis in Christo Stephano de Castell[] rectori ecclesie de Acle suis que successoribus ipsius ecclesie rectoribus omnes decimas prouenientes de terris et feodo quondam Symonis de Borhard senioris et de terris que fuerunt Willelmi quondam seruientis domini regis de Middelton[] et de quibuscumque terris aliis infra parochiam ecclesie predicte de Acle sitis inperpetuum possidendas et quicquid iuris et possessionis habuimus vel habere potuimus seu habere videbamur in omnibus decimis antedictis saluis nobis et successoribus nostris duodecim denarios annuis per ipsum rectorem et successores suos annuis singulis in festo sancti Michaelis apud Clopham absque difficultate qualibet persoluendis Conuenit etiam inter nos et ipsum S pro se et successoribus suis ut archidiaconus loci habeat plenam potestatem compellendi nos et successores nostros necnon ipsum S et successores suos ad obseruacionem premissorum iusticia mediante cessant appellacione condictione et omnimoda cauillacione Ad fidem igitur simul et auctoritatem huius mutue concessionis et conuencionis perpetuo confirmandam eam fecimus in modum cirographi seriatim conscribi cuius alteram partem sigillo capituli nostri roboratam predicto S bona fide tradidimus alteram vero signo ipsius roboratam de manu ipsius in huius rei testimonium inposterum reseruandam recepimus Datum anno gracie m cc xxxvj mense Augusti

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.