Omnibus sancte matris ecclesie filiis etc Nicholaus dictus le Coupere de Hawnes salutem in domino Nouerit uniuersitas vestra me dimisisse concessisse et ad firmam tradidisse religiosis viris priori et conuentui de N pro xvj solidis sterlingorum quos mihi dederunt et pre manibus soluerunt quandam partem terre mee cum haya supercrescente iacentis sub nemore eorundem quod vocatur Brendewode videlicet ad caput eiusdem nemoris ex parte australi et extendit se dicta terra cum haya supercrescente in longitudine versus boscum domini Rogeri Extranei ad unum caput et versus terram domini Almarici de sancto Amando ad aliud caput et continet dicta terra cum haya predicta supercrescente quadraginta et unam perticam in longitudine et a quercu que tunc stabat in angulo haye pretacti nemoris de Brendewode versus occidentem sex pedes in latitudine versus australem videlicet versus pasturam meam et sic eandem latitudinem per totam predictam longitudinem continet prout limitata est per bundas appositas inter pretactum nemus et pasturam meam predictam habend et tenend prefatam terram cum haya supercrescente in predictis longitudine et latitudine memoratis religiosis et successoribus suis ad firmam ad terminum ducentorum annorum proxime subsequencium plene completorum bene et in pace absque omni genere secularis seruicii exaccionis et demande Et ego dictus N et heredes mei etc In cuius rei testimonium etc Acta et data apud Bed[] iiij nonis Julii anno domini millesimo ccc secundo et regni regis E filii regis Henrici tricesimo etc

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.