Omnibus Christi fidelibus presentes litteras inspecturis offitiarius Winton salutem in domino Nouerit uniuersitas uestra quod cum impositum esset silentium uicario de Caresbroc super minutis decimis de curia de Bouecumbe prouenientibus reseruata condemnatione expensarum ac prior de Caresbroc nomine ecclesie sue et procurator abbatis et conuentus Lyre nomine eorundem peterent in iuditio ipsum uicarium in xl marcis nomine expensarum sibi condempnari ac super aliis portionem uicarie contingentibus disceptatio esset inter ipsos tandem conceptatio inter ipsos amicabiliter conquieuit in hunc modum uidelicet quod idem uicarius bona fide promisit et iuramento firmauit quod contentus erit de cetero portione et taxatione nomine uicarie sibi assignata in matrice ecclesia et capellis de Caresbroc iuxta articulos in litteris ordinationis et taxationis uenerabilis patris A dei gratia Winton clerici expresse contentos et precipue de medietate animalium et tricennalium que in dicta matrice ecclesia de Caresbroc celebrantur et quod aliqua tricenalia uel animalia alibi quam in matrice ecclesia de Caresbroc ratione alicuius dolose subtractionis extra consuetudinem diocesis non permittet celebrari Et si forte dictum uicarium quod absit in aliquo contra predicta uenire contigerit licebit dictis priori de Caresbroc et procuratori abbatis et conuentus de Lyra qui per tempus fuerint predictarum expensarum condemnationem nomine abbatis et conuentus Lyre petere cum effectu Dictus uero prior de Caresbroc omnes articulos in littera domini Winton clerici expresse contentos corporali iuramento prestito fideliter obseruare promisit In cuius rei testimonium ad instantiam partium sigillum consistorii Winton presentibus est appositum Datum Winton die martis proxima post festum sancti Nicholai anno domini m cc l uii

Source Fulltext: Cartulary of Carisbrooke Prior. S. F. Hockey. Isle of Wight Records Series, V.2. Isle of Wight County Record Office. Newport. 1981.