Uniuersis Christi fidelibus presens scriptum inspecturis Simon de Chiuerdune salutem in domino Nouerit uniuersitas uestra me recepisse a fratre G humili abbate de Lyra et priore et fratribus de Caresbroc unum mesuagium cum pertinentiis in uilla Noui Burgi de Insula inperpetuum ad firmam saluo iure alieno illud scilicet mesuagium quod est inter mesuagium quod fuit Walteri de la Hurne et mesuagium quod fuit Ricardi Seward habend et tenend de priore Caresbroc qui pro tempore fuerit michi et heredibus meis et assignatis exceptis uiris religiosis preter quam eisdem libere et quiete reddendo inde annuatim dicto priori de Caresbroc tres solidos argenti ad duos anni terminos uidelicet ad festum sancti Michelis octodecim denarios et ad festum dominice resurrectionis octodecim denarios pro omnibus secularibus seruitiis et demandis ad dominum G abbatem Lire et ad priorem de Caresbroc pertinentibus saluis tallagiis auxiliis et ceteris aduenturis in dicta uilla Noui Burgi emergentibus que omnia ego Simon et heredes mei siue assignati acquietabimus Et predictus prior de Caresbroc quicumque pro tempore fuerit uel quicumque loco ipsius fuerit acquietabunt me et heredes meos siue assignatos erga dominum Insule comitem Deuonie uel suos balliuos de xii denariis in Natiuitate sancti Iohannis Baptiste annuatim Et si contingat quod absit quod ego uel heredes mei siue assignati a solutione predictorum trium solidorum terminis suprascriptis cessauerimus licebit priori de Caresbroc quique fuerit uel cuique loco suo existenti super dictum mesuagium balliuis Noui Burgi irrequisitis districtionem facere In huius testimonium huic scripto sigillum meum apposui Hiis testibus Will de la Mare Nich de Christi ecclesia Galf Wigod Reg de Peteresfeld Roberto clerico Actum anno domini m cc l sexto

Source Fulltext: Cartulary of Carisbrooke Prior. S. F. Hockey. Isle of Wight Records Series, V.2. Isle of Wight County Record Office. Newport. 1981.