Omnibus Christi fidelibus ad quos presens scriptum peruenerit Ysabella de Fortibus comitissa Albemarle Deuonie et domina Insule salutem Noueritis nos in ligia uiduitate nostra concessisse et confirmasse monachis de Karesbroc donationes quas Ysabella filia Ranulfi de Bailuckely eis dedit habend et tenend sibi et successoribus uel suis assignatis in puram et perpetuam elemosinam liberam ab omni seruitio secta curie et omnimoda exactione nobis uel heredibus nostris pertinentibus sicut in cartis quas de predicta Ysabella habent continetur Concedimus et confirmauimus abbati et conuentui de Lira donationes et confirmationes quas antecessores nostri ipsis fecerunt habend et tenend sibi et suis successoribus uel suis assignatis in puram et perpetuam elemosinam sicut eas melius et liberius habuerunt et tenuerunt Pro hac autem concessione et confirmatione nostra dedit nobis frater Andreas tunc temporis prior de Karesbroc decem marcas argenti Et ut hec nostra concessio et confirmatio perpetue firmitatis robur optineat et a nullo heredum nostrorum ualeat infirmari eam presentis scripti attestatione et sigilli nostri impressione corroborauimus Datum et actum anno domini m cc lx quarto

Source Fulltext: Cartulary of Carisbrooke Prior. S. F. Hockey. Isle of Wight Records Series, V.2. Isle of Wight County Record Office. Newport. 1981.