Omnibus ad quos presens scriptum peruenerit frater Robertus humilis abbas Lyre et eiusdem loci conuentus salutem in domino Notum sit omnibus uobis quod nos concessimus et hac carta nostra et sigillis nostris confirmauimus Roberto filio Wimundi et heredibus suis duas acras terre apud Gatecumbam quas habuimus ex dono et elemosina Iohannis de Winton et duas acras terre cum uno curtilagio quas habuimus ex dono et elemosina Iordani Rupe et Gileberti filii eius et preterea dimidiam acram quam habuimus ex dono et elemosina Radulfi Achardi et uxoris eius tenend de nobis libere et quiete pro uiginti et octo denariis nobis annuatim reddendis ad festum sancti Michelis Preterea procedenti tempore in escambium predicti curtilagii in quo fecerunt fratres nostri de Karesbrok grangiam suam dedimus et presenti carta confirmauimus dicto Roberto de heredibus suis unam acram terre quam Walterus de Ins dedit ecclesie nostre de Karesbrok quando dedicata fuit unde idem Robertus et heredes sui reddent annuatim dicte ecclesie de Karesbrok dimidiam libram cere ad Assumptionem beate Marie Actum anno domini m ducentesimo vicesimo mense Iunio

Source Fulltext: Cartulary of Carisbrooke Prior. S. F. Hockey. Isle of Wight Records Series, V.2. Isle of Wight County Record Office. Newport. 1981.