Uiro uenerando et religioso abbati de Messend et eiusdem loci conuentui et omnibus hominibus suis et omnibus hiis qui de eo tenent de Kyngeshulle Ingelramus de Betun miles dominus de Kyngeshulle salutem et dilectionem Mando uobis et precipio quatinus redditus meos quos michi soluisse debuistis in festo beati Michelis nuper transacto per Arnulphum seruientem meum et Stachium filium meum quem cum eo ad hoc transmisi michi indilate mittatis Et uobis domine abbas mandamus ut si uobis placuerit pro securitate nostra de hiis que presentium latoribus tradideritis presentes literas liceat penes uos detinere Ideo enim eas patentes fecimus et apertas quas tamen nobis deo uolente ad uos uenientibus reddetis Data Sabbatho proximo post festum beati Martini anno domini m cc xxx primo

Source Fulltext: Cartulary of Missenden Abbey. J. G. Jenkins. Records Branch of the Buckinghamshire Archaeological Society, V.2. Records Branch of the Buckinghamshire Archaeological Society. Aylesbury. 1938.