Notum sit omnibus tam presentibus quam futuris quod ego Willelmus de la Hecche de Kingeshulle filius Gunnore tradidi totam [uacat] terram meam in Kingeshulle domui de Messendene scilicet specialiter elemosinario eiusdem domus excepta parte terre Gunnore matris mee et una acra que abutat se contra le Berecroft et dimidia acra in Ruicroft ad sex croppas integras recipiendas a festo Sancti Michelis proximo postquam dominus Henricus rex Anglie filius regis Iohannis suscepit tricesimam ab anglia ita tunc quod predictus elemosinarius habebit duas garbas fructuum predicte terre Et ego predictus W uel heredes mei terciam garbam et tantummodo unam uaccam in pastura uel caballum Et ego Willelmus plene auxiliabor predicto elemosinario in sarclando in secando quantum pertinet ad terciam partem et totum sepibus omnino includam Et ego predictus Willelmus et heredes mei [etc] Ita quod predicta domus inde detrimentum non habebit Si ego uero predictus W uel aliquis heredum meorum uel uxor mea post decessum meum contra hoc factum meum contraire uoluerit elemosinarius predicte domus predictam terram meam in manu sua tenebit post terminum constitutum quousque totum custum suum et labores inde plene perceperit secundum uisum legalium nostrorum In huius rei testimonium huic scripto sigillum meum apposui Hiis testibus Henrico de Scaccario Rogero de Wymberuille Roberto de Whelpeleie Waltero de Marisco Petro le seriant Thoma del Erde Nicholao de Kingeshulle filio Petri Roberto Peure Et multis aliis

Source Fulltext: Cartulary of Missenden Abbey. J. G. Jenkins. Records Branch of the Buckinghamshire Archaeological Society, V.2. Records Branch of the Buckinghamshire Archaeological Society. Aylesbury. 1938.