Hec est finalis concordia facta in curia domini regis apud Dunstapele in crastino Apostolorum Symonis et Iude anno regni regis Henrici filii regis Iohannis xij coram S de Segraue Willelmo filio Warini Willelmo de London Willelmo Basset iustic itinerantibus et aliis fidelibus domini regis tunc ibi presentibus inter Martinum abbatem de Messend querentem per Willelmum de la Dene positum loco ipsius abbatis ad lucrandum uel perdendum et Alexander de Hampdene impedientem de una uirgata terre cum pertinentiis in Hampdene Unde idem abbas questus fuit quod idem Alexander communam suam ad eandem terram pertinentem iniuste ei defortiabat Et unum placitum warantie carte summonitum fuit inter eos in prefata curia scilicet quod predictus Alexander recognouit predictam terram cum pertinentiis esse ius ipsius abbatis et ecclesie sue de Messenden ut illam quam idem abbas habet ex dono Alexandri filii Ricardi aui ipsius Alexandri Et preterea idem Alexander concessit ipsi abbati communam pasture ad centum oues inter Fildenisse maneswey et Prestwude habend et tenend ipsi abbati et successoribus suis abbatibus ecclesie beate Marie de Messend de predicto Alexandro et heredibus suis in perpetuum faciendo inde forinsecum seruitium quantum ad eandem uirgatam terre pertinet pro omni seruitio Et predictus Alexander et heredes sui warantizabunt predicto abbati et successoribus suis abbatibus et ecclesie sue de Messendene predictam terram cum pertinentiis contra omnes homines Et pro hac recognitione finali et concordia predictus abbas dedit ipsi Alexandro viginti solidos

Source Fulltext: Cartulary of Missenden Abbey. J. G. Jenkins. Records Branch of the Buckinghamshire Archaeological Society, V.2. Records Branch of the Buckinghamshire Archaeological Society. Aylesbury. 1938.