Noverint[] universi ad quos presens scriptum pervenerit quod ita convenitur inter a[] abbatem Belli Loci Regis et eiusdem loci conventum ex una parte et s[] priorem de Motesfont[] et eiusdem loci conventum ex altera videlicet quod prefatus abbas et conventus dederunt et concesserunt prenominatis priori et conventui de Motesfont[] quicquid juris vel possessionis habuerunt in tribus croftis terre cum pertinenciis suis in territorio de Derleg[] in parochia de Heling[] quarum una jacet inter terram predictorum abbatis et conventus et terram Humfridi le Pe in longitudine et inter terram comitis Devonie et terram prescriptorum prioris et conventus de Motesfont[] in latitudine et alia jacet inter terras predictorum comitis Devonie et Humfridi et tercia crofta jacet inter regalem viam qua itur de Asseford ad Langeley et terram sepedictorum prioris et conventus de Motesfont[] et abutat versus aquilonem super viam qua itur de domo dicti prioris versus forestam cum exitu quem habuit Herebertus le Pip versus forestam pro xviii denariis annuatim ad festum sancti Michaelis solvendis dictis abbati et conventui Belli Loci Regis pro omni servicio consuetudine et demanda Et ut hec convencio perpetue firmitatis robur optineat sigilla parcium huic scripto in modum cirographi confecto alternatim sunt apposita Hiis testibus

Source Fulltext: Beaulieu Cartulary. S. F. Hockey. Southampton Record Series, V.17. Southampton University Press. Southampton. 1974.