Universis sancte matris ecclesie fidelibus ad quos presens scriptum pervenerit h[ugo] Dei gratia abbas ecclesie Sancti Eadmundi et h[erbertus] et B de Sancto Eadmundo et de Breset[] priores Norwicensis diocesis salutem in Domino Mandatum domini pape in hec verba suscepimus [...] Huius igitur auctoritate mandati in nostra presentia constitutis post multas altercationes et post litem contestatam et post testium admissionem lis inter eos mota hoc fine conquievit scilicet quod dictus archidiaconus cognito coram nobis iure predictorum prioris et conventus iuravit se in posterum soluturum annuam et debitam pensionem unius marce de predicta ecclesia de Badingeham dictis priori et conventui de Eya ad duos synodos Suff[] scilicet ad Pascha dimidiam marcam et ad festum Sancti Michaelis dimidiam marcam salvo iure tam prioris et conventus de Eya ex una parte quam Herberti de Alecen militis ex alia si quid habent in patronatu predicte ecclesie De consensu autem partium ita provisum est quod dictus archidiaconus a iudicibus in litteris domini pape expressis possit compelli et legittime puniri si quando contra sacramentum prestitum venerit in solutione cessando remota omnium apellatione et contradictione et prior etiam et conventus de Eya ad pacis observationem artari si quando lis sopita per eos resuscitetur et hoc apellatione remota Ut autem eaque acta sunt perpetuam optineant firmitatem ad instantiam partium hec a nobis scripta et sigillis nostris sunt corroborata Facta autem sunt hec inperpetuum duratura anno ab incarnatione Domini mcc xviii in crastino Inventionis Sancte Crucis aput Sanctum Eadmundum in capella Sancti Dionisii

Source Fulltext: Eye Priory Cartulary and Charters. Vivien Brown. Suffolk Charters, V.12. Suffolk Records Society. Boydell Press. Woodbridge, Suffolk. 1992.