Universis Christi fidelibus presens scriptum visuris s[ilvester] Cicestr[] ecclesie archidiaconus et magister W Dur[] canonicus eiusdem ecclesie salutem in Domino Mandatum domini pape suscepimus in hec verba Innocentius episcopus servus servorum Dei dilectis filiis archidiacono et thesaurario et magistro W Dur[] canonico Cicestr[] salutem et apostolicam benedictionem A rector ecclesie de Denham nostro appostolatui est conquestus quod prior de Eya et quidam alii Norwicensis diocesis super quibusdam decimis iniuriantur eisdem Ideoque discretioni vestre per apostolica scripta mandamus quatinus partibus convocatis audiatis causam et apellatione remota fine debito terminetis facientes quod decreveritis per censuram ecclesiasticam firmiter observari Testes autem qui fuerint nominati si se gratia odio vel timore subtraxerint simili districtione apellatione cessante cogatis veritati testimonium perhibere Nullis litteris veritati et iustitie preiudicantibus a sede apostolica impetratis Quod si non omnes hiis exequendis potueritis interesse duo vestrum ea nichilominus exequantur Dat[] Lateran[i] quarto idus Februarii pontificatus nostri anno quintodecimo Huius igitur auctoritate mandati dicto A clerico aput Cicestr[] die lune proxima post festum Sancti Jacobi in presentia nostra constituto prefatis priore et monachis de Eya et Thebaldo vicario per magistrum Gilbertum de Jakel[] procuratorem suum comparentibus cum nobis de inpotentia tertii coniudicis nostri plene constaret propositum fuit ex parte ipsius A clerici quod prior et conventus de Eya spoliaverant ecclesiam suam de Denham decimis trium acrarum que fuerunt Johannis filii Walbede et decimis sex acrarum Huberti Wrod que sunt in capite de Aldecroft Dicebat etiam quod t[heobaldus] vicarius de Eya spoliaverat eandem ecclesiam de Denham eisdem decimis et preterea minutis decimis et obventionibus et iure parrochiali Rogeri filii Brictgene et Radulfi filii Leurich Intendebat etiam contra ipsius possessorium Memoratus vero Gilbertus dictorum prioris et conventus et Theobaldi vicarii procurator dicebat quod prefati prior et conventus quatraginta annos prefatas decimas pacifice possederunt et quod t[heobaldus] vicarius alieno nomine minutas decimas et obventiones dictorum Rogeri et Radulfi possidebat et prefatum priorem demum in iudicio nominavit Sepedictus autem A clericus dicebat interruptionem factam fuisse et quod prescriptio eos non debebat tueri nisi probarent bonam fidem et iustum titulum Tandem die veneris proxima ante dominicam in ramispalmarum anno relaxationis generalis interdicti Anglicane ecclesie primo pretaxato A clerico in propria persona coram nobis constituto prefatis priore et conventu et t[heobaldo] vicario comparentibus per magistrum Johannem de Melles procuratorem suum ad litigandum vel componendum constitutum post multas et longas altercationes lis omnis inter eos mota fine quievit amicabili in hunc modum videlicet quod ecclesia de Denham perpetuo possidebit decimas trium acrarum Rogeri filii Brictgene que erant Johannis filii Walbede et preterea totum ius parrochiali dictorum Rogeri filii Brictgene et Radulfi filii Leurich cum minutis decimis et obventionibus et sepultura Memorati vero prior et conventus retinebunt decimas sex acrarum que fuerunt Huberti Wrod inperpetuum Hec conventio ex utraque parte fidei interruptione firmata est Et ut maioris firmitatis robur optineat eam presenti scripto et sigillorum nostrorum appositione et partium duximus communire

Source Fulltext: Eye Priory Cartulary and Charters. Vivien Brown. Suffolk Charters, V.12. Suffolk Records Society. Boydell Press. Woodbridge, Suffolk. 1992.