Notum sit omnibus Christi fidelibus quod Willelmus prior et conuentus monachorum de Eya unanimi assensu et concordi uoluntati concesserunt et dimiserunt Iohanni priori et monachis de Snapes ad firmam ipsis et eorum successoribus perpetuo tenend omnes decimas ad ecclesiam suam de Eya spectantes in uilla de Bedingefeud et ipsis eas warantizare tenentur defendere et adquietare pro viginti quinque solidis annuis quos eis at eorum successoribus aut eorum certo nuntio litteratorie constituto soluent predicti prior et monachi de Snapes annuatim ad duas synodos de Gipewic uidelicet ad sinodum post Pascha sine dilatione duodecim solidos et sex denarios et aliam synodum post festum Beati Michelis similiter duodecim solidos et sex denarios Ad hec ut fidelis et plena securitas habeatur et integre teneatur utrimque adiectum est quod quotienscumque prior et monachi de Snapes in solutione totius uel partis predicte pecunie ad aliquem terminum defecerint soluent nomine pene domino episcopo Norwicensi duodecim solidos et sex denarios Qua pena totiens committetur et in solidum quotiens in solutione alicuius termini pro parte uel pro toto fuerit cessatum Nichilominus licebit dicto domino episcopo pro tempore existenti dictos monachos de Snapes compellere ad solutionem plenariam tam principalis debiti quam et cetera pene predicte si fuerit commissa In horum omnium robur et firmitatem perpetuam tam predicti prior et conuentus de Eya quam prior et monachi de Snapes huic scripto in modum cyrographi confecto sigilla sua et sigilla capitulorum suorum communia huic inde fecerunt apponi Hiis testibus domino Hugone de Dunstern[] tunc senescallo Eye Ada de Bedingef[] Willelmo le Flemeng[] et aliis Actum anno gratie mccl quinto idus Octobris

Source Fulltext: Eye Priory Cartulary and Charters. Vivien Brown. Suffolk Charters, V.12. Suffolk Records Society. Boydell Press. Woodbridge, Suffolk. 1992.