Omnibus Christi fidelibus ad quos presens scriptum peruenerit Godefridus Dei gratia Wintoniensis ecclesie minister eternam in Domino salutem Ea que uiris religiosis pia fidelium largitione conferuntur scriptis expedit auctenticis communire et ne qua possint calliditate malignantium inquietari pastorali diligentia prouidere Ea propter uniuersitati uestre uolumus innotescere nos diuine caritatis intuitu concessisse et pontificiali auctoritate confirmasse Deo et monasterio Sancti Johannis Baptiste de Colecestria et monachis ibidem Deo seruientibus pensionem annuam octo marcarum argenti de ecclesia de Ledrede per manum ejus qui ad eorundem monachorum presentationem per nos et per successores nostros in eadem ecclesia instituetur singulis annis perpetuo percipiendam vt autem hec nostra confirmatio perpetue firmitatis robur optineat eam presenti scripto et sigilli nostri patrocinio roborauimus Saluo in omnibus jure episcopali et auctoritate et dignitate Wintoniensis ecclesie Data Londonie per manum Reginaldi clerici nostri[] ii Idus Februarii Pontificatus nostri anno septimo Testibus hiis Magistro Amicio Surrie archidiacono Magistro Helia de Chiuel Magistro Hugone de Gaherst Oliuero Mote Roberto de Corneuilla Gregorio Johanne capellanis Godefrido Vmfredo Stephano Roberto clericis Geruasio Gaubert

Source Fulltext: Cartularium Monasterii sancti Johanni Baptiste de Colecestria. S. A. Moore. Roxburghe Club Publications, 131. Roxburghe Club Publications. Chiswick Press. London. 1897.