Omnibus sancte matris ecclesie filiis Galfridus decanus Sancti Pauli Londonie et Petrus archidiaconus Londoniensis et Magister Willelmus de Sancte Marie Ecclesia et Magister Hugo de Sancto Eadmundo canonici Sancti Pauli Londonie salutem in Domino Cum de consensu et auctoritate uenerabilis patris nostri Rogeri Dei gratia Londoniensis episcopi necnon et consensu et uoluntate laudabilis uiri Ade eadem gratia abbatis Sancti Johannis Colecestrie totiusque conuentus ejusdem loci prout ex eorum litteris patentibus ad nos directis per ejusdem loci priorem et R de Tynterne eorum monachum constabat euidenter commissa fuisset nobis plena potestas ordinandi ad honorem Dei et ecclesiarum beati Pauli Londonie et Sancti Johannis Colecestrie et ecclesiarum subscriptarum necnon ad earundem utilitatem nos inuocata Spiritus Sancti gratia de consilio et assensu communi taliter de singulis ecclesiis a prefato priore et R monacho in nostram ordinationem deductis cum certi essent in hac parte constituti ex parte dictorum abbatis et monachorum nuncii et procuratores duximus ordinandum In primis de patronatu medietatis ecclesie de Bocstede sic disponimus ut penes episcopum Londoniensem qui pro tempore erit remaneat jus patronatus inperpetuum remissa pensione duorum solidorum quam prefati abbas et monachi de eadem ecclesia percipere consueuerunt Et ut in episcopi Londoniensis sit uoluntate de illa pensione disponere quoad uacet dicta medietas libera postmodum permansura De ecclesia uero de Takeleya taliter ordinamus ut in ea inperpetuum per episcopum Londoniensem qui pro tempore erit vicarius instituatur vicariam ejus usque ad decem marcas annuas decernentes taxandam cum aliquo manso eidem assignando juxta ecclesiam competenti residuum totius dicte ecclesie de Takeleya cum domibus ad dictam ecclesiam spectantibus ad fabricam ecclesie beati Pauli Londonie inperpetuum assignantes reseruatis dictis abbati et monachis decimis quas in parochia dicte ecclesie percipere consueuerunt De ecclesie siquidem de Wileya ordinando decernimus ut in ipsa per episcopum Londoniensem qui pro tempore fuerit uicarius perpetuus preficiatur futuris temporibus cujus vicarie taxationem in eadem ecclesia extendi uolumus usque ad summam centum solidorum cum domibus ad dictam ecclesiam spectantibus Quicquid autem residuum fuerit in dicta ecclesia capellano in altari beate Marie missam gloriose uirginis cotidie celebrando in ecclesia Sancti Pauli Londonie pro tempore ministraturo et chorum de die et nocte secuturo inperpetuum assignantes qui per episcopum pro tempore existenti cum approbatione decani Sancti Pauli et Capituli ydoneus officio tali attitulabitur super pensione si quam dicti abbas et monachi in ecclesia de Wyleya perceperunt dictis abbati et monachis silentium perpetuo inponentes De ecclesia equidem de Brichlingeseye sic ordinamus ut in ea per episcopum Londoniensem qui pro tempore erit vicarius instituatur inperpetuum Cujus ecclesie vicariam ad estimationem decem marcarum reducimus vicario manso competenti juxta dictam ecclesiam assignando totum residuum dicte ecclesie cum pensione sexaginta solidorum quam perceperunt dicti abbas et monachi de eadem ecclesia ad luminare ecclesie beati Pauli Londonie inperpetuum assignantes integre cum domibus ad dictam ecclesiam spectantibus et omnibus aliis ad ipsam ecclesiam pertinentibus Saluis tamen decimis dictis abbati et monachis quas in eadem parochia perceperunt De ecclesia siquidem de Ardleye ita disponimus ut in ea ad presentationem dictorum abbatis et monachorum vicarius futuris instituatur temporibus Cujus vicariam decem marcas ualere uolumus annuatim Cui competenter prouidebitur in domibus per archidiaconum Colecestrensem juxta dictam ecclesiam Assignamus enim inperpetuum archidiaconatui Colecestrensi totum residuum dicte ecclesie cum domibus et edificiis pro domicilio inperpetuum archidiacono Colecestrensi qui pro tempore fuerit habend exceptis tresdecim marcis computata pensione trium marcarum in eisdem xiii marcis quas per manus archidiaconi Colecestrensis qui nunc est et successorum suorum qui pro tempore erunt dictis abbati et conuentui inperpetuum singulis annis persolui uolumus in ecclesia conuentuali Sancti Johannis Colecestrie ad duos terminos scilicet ad festum Sancti Michaelis vi marcas et dimidiam et infra octo dies Pasche vi marcas et dimidiam quibus prouidemus sic caueri per instrumentum dicti archidiaconi et successorum suorum ut eisdem sine cauillatione et diffugio statutis terminis satisfiat sub pena sex marcarum dictis abbati et monachis applicandarum quotiens dictus archidiaconus Colecestrensis et sui successores aliquem terminum non seruauerint et ut episcopus Londoniensis qui pro tempore erit habita super hoc summaria conuictione ad solutionem tam pensionis quam pene dictum archidiaconum et suos successores per censuram compellat ecclesiasticam De ecclesia tandem de Bercqueia ita disponimus et perpetuo ordinamus ut in ea ad presentationem dictorum abbatis et conuentus de Colecestria vicarius preficiatur cujus uicarie estimationem ad summam xx marcarum taxandam decernimus omnibus computatis Statuentes vicario mansum competens juxta dictam ecclesiam assignari vicario jam residenti per Magistrum Willelmum de Lichefeld assignato totum uero residuum dicte ecclesie de Bercqueia dictis abbati et monachis de Colecestria in usus proprios perpetuo assignamus Hanc autem ordinationem decernimus inperpetuum ualituram saluo jure eorum quoad uixerint qui detinent nunc ecclesias supradictas Salua insuper ordinatione predicta ita decernimus et ordinamus ut omnes ecclesie pensiones decimas quas habent dicti abbas et monachi de Colecestria in Londoniensi diocesi super quibus habent collationes seu confirmationes episcoporum Londoniensium dictis abbati et monachis per capitulum Sancti Pauli Londonie prout canonice optente sunt confirmentur In predictorum igitur testimonium et robur appendimus singuli sigilla nostra Acta in Capitulo Sancti Pauli Londonie anno gratie m cc xxxvii in vigilia Sancte Lucie

Source Fulltext: Cartularium Monasterii sancti Johanni Baptiste de Colecestria. S. A. Moore. Roxburghe Club Publications, 131. Roxburghe Club Publications. Chiswick Press. London. 1897.