Omnibus Christi fidelibus Rogerus de gratia Londoniensis episcopus salutem in domino Cum dilecti nobis in Christo filii Adam diuina permissione abbas Colecestrie ejusdemque loci conuentus ordinationi uenerabilium uirorum Galfridi decani Sancti Pauli Londonie et Petri archidiaconi Londoniensis et Magistri Willelmi de Sancte Marie Ecclesia et Magistri Hugonis de Sancto Eadmundo de Berqueia de Takeleya de Brichstlingeseya de Wyleia et de Ardleya ecclesias et jus patronatus medietatis ecclesie de Boxstede commisissent idem ordinatores Deum pre oculis habentes et ecclesiarum beati Pauli Londonie et Sancti Johannis Colecestrie nec non et ecclesiarum predictarum honestatem et utilitatem attendentes secundum quod in instrumento ab eisdem confecto et eorum sigillis consignato continetur de eisdem ecclesiis ordinarunt Quamquidem ordinationem rite et prouide ac canonice factam fuisse considerantes eandem per consensum nostrum quantum ad episcopalem attinet auctoritatem confirmamus et sigilli nostri appositione roboramus Hiis testibus Magistro Johanne precentore nostro Magistro Willelmo de Lichefeld Magistro Willelmo de Lodenes canonicis nostris Domino Henrico capellano nostro Henrico et Waltero clericis nostris Johanne et Michaele senescallis nostris et aliis Acta Londonie anno gratie m cc xxxvi in crastino Sancte Lucie

Source Fulltext: Cartularium Monasterii sancti Johanni Baptiste de Colecestria. S. A. Moore. Roxburghe Club Publications, 131. Roxburghe Club Publications. Chiswick Press. London. 1897.