Omnibus etc Robertus comes Dreucarum et dominus Sancti Walerici salutem in domino Nouerit uniuersitas uestra me concessisse etc magistro et fratribus militie Templi in Anglia dimissionem concessionem et confirmationem quam Bernardus Mulet eisdem fratribus Templi fecit de terra sua de Horsepath inferiori et superiori ad feodi firmam habend et tenend fratribus predictis magistro et militie Templi in Anglia de predicto Bernardo Mulet et heredibus suis in bosco et plano in dominico et uillenagio in pratis et pascuis in uiis et semitis et in omnibus rebus et in omnibus locis infra uillam et extra ad predictam terram pertinentibus libere et integre pacifice et quiete in perpetuum reddendo mihi annuatim dicto Bernardo et heredibus suis ix marcas sterlingorum bonorum scilicet infra octabas sancti Iohanni Baptiste pro omni scruitio et exactione saluo seruitio domini regis quantum pertinet ad dictam terram saluis etiam mihi et heredibus meis annuatim soluendis xv solidis sterlingorum ad quatuor terminos anni scilicet ad Natale Domini xv s et ad festum sancte Marie in Martio xv solidos ad festum sancti Iohannis Baptiste xv s et ad festum sancti Michelis xv s quos sexaginta solidos homines terram tenentes in predictis uillis de Horsepath predictis fratribus Templi annuatim ad predictos terminos debent reddere et salua mihi et heredibus meis aduocationem ecclesie de Horsepath saluis etiam releuiis custodiis et omnibus aliis eschetis que ad me et ad heredes meos pertinent de predicta terra de Horsepath que scilicet releuia et custodias et omnes alias eschetas dicti Bernardus Mulet et heredes sui mihi et heredibus meis pro predictis fratribus Templi cum tempus fuerit et debuerit reddere debent et satisfacere Ita tamen quod si dicti Bernardus Mulet et heredes sui uersus me et heredes meos in aliis deliquerint ego et heredes mei a predictis fratribus causa dictorum releuiorum custodiarum et omnium aliarum eschetarum nihil aliud exigere poterimus nisi illas ix marcas quas dicti fratres Templi dicto Bernardo Mulet et heredibus suis annuatim reddere debuerunt et consueuerunt quousque ipse Bernardus et heredes sui mihi et heredibus meis satisfecerint pro predictis sciendum est etiam quod si ego et heredes mei de feodis nostris in Anglia per uoluntatem domini regis uel aliter aliquo modo fuerimus disseisiti predicti magister et fratres Templi de omnibus predictis seruitiis mihi et heredibus meis in nullo ulterius teneantur respondere quousque seysinam de predictis feodis nostris recuperare poterimus Ut autem etc Hiis testibus domino Henrico thesaurario Beluacensis magistro Leodegardo Radulpho de Augi Thoma Barat Thoma de Muncy Theobaldo de Muret Gwiberto clerico Waltero de Withefeld Ricardo Folioth Galfrido de Templo clerico et aliis

Source Fulltext: Sandford Cartulary. A. M. Leys. Oxfordshire Record Series, V.12. Oxfordshire Record Society. Oxford. 1938.