Uniuersis filiis et fidelibus sancte matris ecclesie tam clericis quam laicis tam dominis quam hominibus suis Guuarinus filius Geroldi salutem Quoniam donationes que intuitu dei fuerint in lucem celebrari desiderant uniuersitati uestre notum esse desideraui quod ego spontanea uoluntate et libera deliberatione donaui et concessi beato Edmundo et monasterio eius in perpetuam elemosinam vi libratas terre mee in Sebrichtesworde habend et possidendas in perpetuum liberas et immunes ab omni seculari seruicio Quare iniungo et precipio meis heredibus et presentibus et futuris ut quam pro redemptione anime mee donationem predictam feci manuteneant eam et defendant beato Edmundo et suo monasterio liberam et immunem ab omni seculari seruicio aduersus omnes homines imperpetuum Cuius mee concessionis et donationis testes sunt Comes Gaufridus dominus meus Henricus et Alexander et Helyas filii Gerod[] et ceteri

Source Fulltext: Feudal Documents from the Abbey of Bury St. Edmunds. D. C. Douglas. Records of the Social and Economic History of England and Wales. British Academy. Oxford University Press. London. 1932.