Hec est finalis concordia facta in curia domini regis ad scaccarium apud Westmonasterium die dominica proxima post clausum Pascha anno xxxii regni regis Henrici secundi coram Ricardo thesaurario domini regis et Iocelino Cicestr[] archidiacono et Huberto Waltero et magistro R de Inglesham et Magistro Thoma de Husseburn[] et Hugone Bard[] et Willelmo Ruffo et Michil[] Belet et Roberto de Witefeld et ceteris baronibus et familiaribus domini regis tunc ibi presentibus inter Samsonem abbatem sancti Edmundi et Willelmum de Warenna de xl solidis redditus et de ii miliariis anguillarum que predictus abbas exigebat uersus predictum Willelmum sicut liberam elemosinam pertinentem ad ecclesiam sancti Edmundi in molendino de Wrmegei unde placitum fuerat inter eos in curia domini regis Scilicet quod predictus Willelmus recognouit illos predictos xl solidatos redditus et predicta miliaria anguillarum esse liberam elemosinam ecclesie sancti Edmundi in molendinis suis de Wermegei de dono antecessorum suorum ad reddendum ad hos terminos ad festum Edmundi xv solidos et ad purificationem sancte Marie xv solidos et ad Pascha floridum xv solidos et ad festum sancte Margarete xv solidos et ad uincula sancti Petri ii miliaria anguillarum

Source Fulltext: Feudal Documents from the Abbey of Bury St. Edmunds. D. C. Douglas. Records of the Social and Economic History of England and Wales. British Academy. Oxford University Press. London. 1932.