Omnibus Christi fidelibus ad quos presens scriptum peruenerit s[tephanus] permissione diuina Cant[] archiepiscopus tocius Anglie primas et sancte Romane ecclesie cardinalis eternam in domino salutem Nouerit uniuersitas uestra nos inspexisse cartam confirmacionis bone memorie Willelmi Linc[] episcopi tenorem confirmacionis sancte recordacionis Hugonis predecessoris illius continentem de loco de Bisshemade et bosco et terra et uiis uiris religiosis qui apud Bisshemade deo seruiunt ab Hugone filio Oliueri de Bello Campo pia liberalitate collatis et de communibus pascuis per omne dominium ipsius Hugonis et de prima multura post illud quod sursum inuentum fuerit in binna ab eodem misericorditer concessis eisdem Unde nos securitati eorumdem religiosorum uirorum quantum secundum deum possumus super eisdem prospicere cupientes predicta omnia que a memorato Hugone eis misericorditer collata sunt et tam ab ipso quam a predictis episcopis confirmata sicut racionabiliter concessa sunt et confirmata ab eisdem auctoritate nostra confirmamus et presenti scripto ac sigilli nostri appositione communimus Datum apud Oseneiam xiij Kal[] Septemb[] anno secundo relaxacionis generalis interdicti Anglie

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.