Omnibus sancte etc Hugo de Bello Campo filius Oliueri de Bello Campo salutem Nouerit uniuersitas uestra me intuitu karitatis dedisse et concessisse et hac carta mea confirmasse deo et monasterio sancte Marie de Bisshemade et canonicis ibidem deo seruientibus et in perpetuum seruituris in puram et perpetuam elemosinam pro salute anime mee et pro animabus omnium antecessorum meorum totam illam uirgatam dimidiam terre cum mesuagio et crofto et cum omnibus pertinenciis suis quam Alexander Lawete de me tenuit in parrochia Etonie predicte domui et canonicis habend et in pace in perpetuum possidendam libere et quiete et pacifice et honorifice cum omni integritate qua predictus Alexander ipsam terram umquam melius tenuit siue ibidem sit dimidia uirgata terre siue amplius cum omnibus communionibus in bosco et plano in pratis et pascuis et in omnibus locis et in omnibus libertatibus quas liberi homines mei habent uel habebunt Et ego et heredes mei warantizabimus totam predictam terram cum omnibus pertinenciis suis predicto monasterio de Bisshemade et canonicis prescriptis contra omnes homines et feminas Et ut hec donatio et concessio firmitatis perpetue uigorem optineant presentis sigilli mei appositione eam confirmaui Hiis testibus Roberto filio Radulfi Hugone de Veteri Ponte Johanne persona de Stocton[] Ricardo capellano de Eton[] Henrico Pigun et pluribus aliis

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.