Sciant presentes et futuri quod ego Humfridus filius Henrici de Bereforde concessi et dedi et hac presenti carta mea confirmaui domui de Bisshemade et canonicis ibidem deo seruientibus quatuor rodas et dimidiam terre in campis de Bereforde scilicet tres rodas terre que insimul iacent inter curiam dictorum canonicorum et culturam que uocatur Mixhul et unam rodam et dimidiam in eadem quarentena tenend et habend de me et heredibus meis dictis canonicis et successoribus suis in perpetuum libere quiete et hereditarie nullum seruitium inde mihi faciendo Et ego dictus Humfridus et heredes mei prefatas quatuor rodas terre cum suis pertinenciis predictis canonicis et successoribus suis in perpetuum warantizabimus adquietabimus et defendemus Pro hac autem donatione concessione et carte mee confirmatione dederunt mihi predicti canonici quatuor rodas et dimidiam terre in excambium in campis de Bereforde sicut carta dictorum canonicorum quam de ipsis habeo de dicto excambio testatur Et ut hoc cunctis in posterum ratum habeatur presens sigilli mei inpressione roboraui Hiis testibus etc Acta apud Bereforde die Martis proxima ante festum sancti Edmundi regis et martyris anno regni regis Henrici filii regis Iohannis xl quarto

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.