Omnibus sancte matris etc Nicholaa Margeria et Beatricia domine de magna Stoktona et filie Matilde de Kuriel domine de magna Stoktona salutem in domino sempiternam Noueritis quod cum domina Isabella Pauncefot dederit et carta sua confirmauerit deo et ecclesie beate Marie de Bisshemade priori et canonicis ibidem deo seruientibus et in perpetuum seruituris manerium suum de Blaisworth[] cum hominibus et tenentibus et omnibus aliis pertinenciis suis saluis dominis feodi seruiciis et consuetudinibus inde eis debitis et consuetis sicut in carta ipsa quam uidimus et plenarie intelleximus plenius continetur nos considerantes beniuolenciam et affectum domine quondam Matilde de Kuriel matris nostre in dicta ecclesia tumulate quam erga dictum locum et canonicos habuit ac idem manerium in sectis curie et releuio pro uno feodo militis nobis teneatur ad remocionem cuiusque prioris de Bisshemade et in aliis seruiciis diuersis pro salute anime eiusdem matris nostre et animarum nostrarum et anime Rogeri de Rollingis et antecessorum et successorum nostrorum pro nobis et heredibus seu quibuscunque assignatis et successoribus nostris remisimus et quietum clamauimus predictis canonicis releuia predicta et sectas predictas eidem priori et canonicis in perpetuum ita quod nos uel heredes aut assignati seu successores nostri quicumque nichil iuris clamii uel calumpnie habere petere uel clamare poterimus in premissis in perpetuum In cuius rei testimonium sigilla nostra apponeri fecimus huic scripto Datum apud Bisshemade in vigilia sancti Botulphi anno domini millesimo c c septuagesimo quarto Hiis testibus etc

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.